ఇప్పుడు రెండేళ్ళ వయస్సున్న మీ కూతురి వివాహం ఇరవై సంవత్సరాల తర్వాత చేయడానికి అప్పుడు కావాల్సిన మొత్తం ఎంత ? దానిని ఏ విధంగా సమకూర్చుకోవాలి ?

ఇప్పుడు రెండేళ్ళ వయస్సున్న మీ కూతురి వివాహం ఇరవై సంవత్సరాల తర్వాత చేయడానికి అప్పుడు కావాల్సిన మొత్తం ఎంత ? దానిని ఏ విధంగా సమకూర్చుకోవాలి ?

మనదేశంలో సాదారణంగా కూతురి వివాహం చేయడం చాలా ఖర్చుతో కూడుకున్నదే.మీకు ఇష్టం ఉన్నా , లేకపోయినా  ఆడపిల్ల వివాహసమయంలో వరకట్నం ఇవ్వడం అనేది చాలా సహజం. ఈ విషయంలో ఎవ్వరూ ఎన్ని మొత్తుకున్న  సమాజంలో  వరకట్నం అనే జాడ్యాన్ని

 రూపుమాపలేకపోతున్నారు. అంతేకాకుండా రోజురోజుకి ఈ వరకట్నాలు ,వివాహ ఖర్చులు పెరుగుతున్నాయే తప్ప తగ్గడం లేదు. ఇంకా చెప్పాలి  అంటే ఒకరికిమించి ఒకరూ పోటిపడి వీటిని పెంచుతున్నారు. సరే దాని గురుంచి మనం వదిలేద్దాం  అసలు విషయానికి వద్దాం.ఈ రోజు రెండు సంవత్సరాల వయస్సు ఉన్న మీ పాప వివాహం ఇరవై సంవత్సరాల తర్వాత చేయాలి అంటే ఎంత ఖర్చు అవుతుందో ఒక్కసారి చూద్దాం. మీరనవచ్చు మా పాప వయస్సు రెండు సంవత్సరాలే కదా ?  ఇప్పుడే వివాహం గురించి ఆలోచన అవసరమా ? అని. అవసరమా ? కాదా ? అనేది మొత్తం చదివిన తర్వాత నిర్ణయం మీరే నిర్ణయం తీసుకోండి.

ముందుగా మీరు ప్రస్తుత పరిస్థితితులలలో మీ పాప వివాహం ఈ రోజు చేస్తే ఎంత ఖర్చు అవుతుందో ఒక్కసారి ఆలోచించండి.మీ సామాజిక పరంగా , మీ కుటుంబ పరంగా  అన్ని విషయాలు పరిగణలోకి తీసుకొని ఆలోచించండి. అంటే కొన్ని వర్గాలలో వరకట్నం తక్కువగా ఉంటుంది. మరికొన్ని వర్గాలలో అధికంగా ఉంటుంది. ఈ రోజు మీ పాప వివాహం చేసి, అన్ని లాంచనాలతో ,   వరకట్నంతో సహా ఇచ్చి అత్తవారింటికి పంపించడానికి  పది లక్షలు ఖర్చు ఆయితే  ఇదే వివాహం ఇదే స్థాయిలో చేస్తే  ఎంత ఖర్చుఅవుతుందో తెలుసా ?  రూ . 3869685 అవును సుమారు ముప్పై తొమ్మిది లక్షలరూపాయలు . అది కూడా ఇన్ఫ్లేషన్  7% తీసుకొని లెక్కించడం వలన . ఒకవేళ ఇన్ఫ్లేషన్ 8% ఐతే కావాల్సిన మొత్తం రూ 4660958.మీకు ఇన్ఫ్లేషన్ మరియు అది మనపై ఏ విధమైన ప్రభావం చూపెడుతున్నదో తెలియకపోతే క్రింద ఇవ్వబడిన లింక్ ఓపెన్ చేసి చదవండి.

http://telugufinancialschool.blogspot.in/2012/09/part-1_26.html

http://telugufinancialschool.blogspot.in/2012/09/part-2_7169.html

ఇరవై సంవత్సరాల తర్వాత  మీ కూతురి వివాహం చేయడానికి   రూ . 3869685 కావలి అని తెలిసినది కదా ఇంత మొత్తం ఎలా సమకూర్చుకోవడం అంటారా ?  అందుకే మీ పాప వయస్సు ప్రస్తుతం  రెండు సంవత్సరాలు మాత్రమే అని చూడకుండా ఇరవై ఏళ్ళ తర్వాత కావాల్సిన మొత్తం ఏవిధంగా ఏర్పాటు చేసుకోవాలో ఆలోచించుకోండి.. మీరు ఇప్పటి నుండే సేవింగ్ లేదా ఇన్వెస్ట్మెంట్ చేయడం చేయాలి. సేవినగ్ మరియు ఇన్వెస్ట్మెంట్ కి గల తేడా ఇంతకు ముందు పోస్టులో  తెలియచేయడం జరిగినది. బ్యాంక్స్ సాదారణంగా 8% వడ్డీ అందిస్తున్నాయి కాబట్టి మీరు ఇప్పటి నుండి ప్రతినెల రూ.7861 లు పొదుపు చేస్తే ఇరవై ఏళ్ళ తర్వాత మీకు కావాల్సిన మొత్తం అందుతుంది.లేదంటే మీరు షేర్ మార్కెట్ లేదా మ్యూచువల్ ఫండ్స్ లో ప్రతినెల ఇన్వెస్ట్ చేయండి. షేర్ మార్కట్ లో ఇన్వెస్ట్ చేయడానికి అవగాహన చాలా అవసరం. దాని బదులు మీరు మ్యుచవల్  ఫండ్స్ లో ప్రతినెల SIP  పద్ధతి ద్వారా ఇన్వెస్ట్ చేయండి.ఇరవై సంవత్సరాలు అంటే చాలా సుదీర్ఘకాలం  కాబట్టి మీ రాబడి 15% నుండి 18% వరకు వస్తుంది. కనీసం మీరు15% రాబడి వస్తుంది అనుకున్న మీకు కావాల్సిన మొత్తం  ఇరవై సంవత్సరాల తర్వాత అందుకోవాలి అంటే మీరు ప్రతి నెల  రూ .3075  ఇన్వెస్ట్ చేయవలసి ఉంటుంది. అదే 18% రాబడి వస్తుంది అనుకుంటే మీరు ప్రతినెల ఇన్వెస్ట్ చేయాల్సిన మొత్తం కేవలం రూ. 2000 మాత్రమే. కాని ముందు జాగ్రత్తగా కొద్ది తక్కువగా రాబడి శాతం అంచనా వేయడం మంచిది. ఒకవేళ మీరు మీ పాప రెండేళ్ళ వయస్సు నుండి కాకుండా ఏడేళ్ళ వయస్సునుండి అంటే  ఐదు సంవత్సరాలు ఆలస్యంగా సేవింగ్ లేదా ఇన్వెస్ట్మెంట్ ప్రారంభిస్తే బ్యాంక్ లో ఐతే మీరు ప్రతినెల రూ 9100 మ్యుచవల్ ఫండ్ లో ఐతే  15% రాబడి అంచనా వేస్తె రూ 4700 ఇన్వెస్ట్ చేయవలసి ఉంటుంది. మీరు ఆలస్యం చేసిన కొలది మీరు ప్రతినెల ఇన్వెస్ట్ చేయాల్సిన మొత్తం కూడా  పెరుగుతుంది.అందుకే వీలయినంత త్వరగా అంటే పాప మొదటి పుట్టిన రోజు కంటే ముందే ఈ విధంగా చేయడం మంచిది. చాలా తక్కువ మొత్తం ప్రతినెల ఇన్వెస్ట్ చేయడం వలన , సుదీర్ఘకాలం కాబట్టి రాబడి కూడా చాలా బాగుటుంది.

మీరు లేదా మీ పిల్లలు జీవితంలో ఆర్ధికంగా ఎదిగి మిలియనీర్లు , బిలియనీర్లు కావాలి అంటే తప్పకుండా తెలుసుకోవాల్సిన ఆర్ధిక విషయాలు part -2

మీరు లేదా మీ పిల్లలు జీవితంలో ఆర్ధికంగా ఎదిగి మిలియనీర్లు , బిలియనీర్లు కావాలి అంటే తప్పకుండా తెలుసుకోవాల్సిన ఆర్ధిక విషయాలు part -2

బిలియనీర్లు ఆర్ధిక వ్యవస్థలో సంపదను స్ప్రుస్టించే స్ప్రుస్టికర్తలు 

బిలియనీర్ల ఆలోచనా విధానం  మధ్యతరగతి వారికి మరియు మిలియనీర్ల కంటే కూడా వేరే విధంగా ఉంటుంది.నిజం చెప్పాలి అంటే వీరూ  ఆర్ధిక వ్యవస్థ లో సంపదను స్ప్రుస్టిస్తారు . బిలియనీర్లు , మధ్యతరగతి వారిలా డబ్బూ కోసం పని చేయడం కాని, మిలియనీర్లలా మనీ ని వారి కోసం పనిచేసే విధంగా చేయడం చేయరు. అంటే వీరూ ఇన్వెస్ట్మెంట్ చేయరని కాదు .ఇన్వెస్ట్మెంట్ చేస్తారు కాని వీరి ఇన్వెస్ట్మెంట్ పద్ధతి వేరే విధంగా ఉంటుంది.బిలియనీర్లు వారికి అవసరమైన మనీని  ఆర్ధిక వ్యవస్థలో చట్టబద్దంగా ముద్రించుకుంటారు.

సరే ఆయితే  వీరూ ఆర్ధిక వ్యవస్థలో సంపద ఎలా  స్ప్రుస్టిస్తారు? చట్టబద్దంగా ఆర్ధిక వ్యవస్థలో వారికి కావాల్సిన మనీని ఏ విధంగా ముద్రించుకుంటారు అనే కదా ? మీ సందేహం. ముందుగా వీరు  ఒక వ్యాపారాన్ని ప్రారంభించి దానిని విజయవంతమైన వ్యాపారంగా తీర్చిదిద్ది ,దానిని ప్రజల వద్దకు పబ్లిక్ ఆఫర్ రూపంలో తీసుకవచ్చి, వారి వ్యాపారంలో కొంత వాటా లేదా షేర్స్ ని మిలియన్ల కొద్ది  ప్రజలకు అమ్మడం ద్వారా  ప్రజలకు  సంపదను స్ప్రుస్టించి వారూ కూడా బిలియనీర్లుగా మారతారు.

మీరు ఇప్పటి  వరకు మధ్యతరగతి, మిలియనీర్లు , బిలియనీర్ల ఆలోచనా విధానం , సంపాదనా విధానం  ఏ విధంగా ఉంటుందో తెలుసుకున్నారు.ఇకనుండి మీకు చెప్పబోయే ఆర్ధిక పరమైన విషయాలు చక్కగా చదివి అర్ధం చేసుకోండి. ఒకే ఆర్ధిక పరమైన విషయాన్ని మధ్యతరగతి వారూ, మిలియనీర్లు, బిలియనీర్లు  ఏ విధంగా అర్ధం చేసుకొని  ,ఏ రీతిలో  ఉపయోగిస్తారో  తెలుసుకోండి.

ఫైనాన్షియల్ స్టేట్ మెంట్

మీరు ఇదివరకే ఫైనాన్షియల్ స్టేట్ మెంట్ అనే పదం చాలా సార్లు వినే ఉంటారు. దాని గురుంచి మీకు కొద్దో గొప్పో అవగాహన ఉండటం లేదా అసలు ఏమాత్రం అవగాహన కూడా ఉండకపోవచ్చు.మీరు క్రింద ఇవ్వబడిన చిత్రాన్ని చూడండి.మీరు మీ కాలేజీ  నుండి బయటకు వచ్చే సరికి మీ దగ్గర ఉండే  ఫైనాన్షియల్ స్టేట్ మెంట్  మీ మార్కుల షీటు మాత్రమే.మీరు మీ కాలేజీలో నేర్చుకున్న దాని ప్రకారమే  మీ జీవితాన్ని ప్రారంభించాల్సి ఉంటుంది.అదే మిలియనీర్ల , బిలియనీర్ల పిల్లలు చిన్నతనం నుండే  ఫైనాన్షియల్ స్టేట్ మెంట్ పై అవగాహన వారి కుటుంబ సభ్యులనుండే పొందుతారు. అదే మధ్యతరగతి వాళ్ళ పిల్లల దగ్గరికి వచ్చే సరికి   ఫైనాన్షియల్ స్టేట్ మెంట్ గురుంచి చెప్పేవారే ఉండరు. అందుకే మధ్యతరగతి వాళ్ళ పిల్లలు ఎప్పుడూ మధ్యతరగతి గానే  మిగిలిపోతున్నారు.అయినా ఒక మధ్యతరగతి వ్యక్తీ తన పిల్లలకు  ఫైనాన్షియల్ స్టేట్ మెంట్ గురుంచి , ఆర్ధిక వ్యవహారాల గురుంచి ఏ విధంగా తెలియచేస్తాడు? స్వయంగా అతనికి లేదా ఆమెకే ఏమాత్రం ఆర్ధిక వ్యవహారాలపై అవగాహనలేనప్పుడు.

ఫైనాన్షియల్ స్టేట్ మెంట్ అంటే ఏమిటి? మీరు  మీ జీవితంలో ధనవంతులు కావాలంటే అది ఎందుకు అతి ముఖ్యమో  సాదారణ బాషలో తెలుసుకుందాం .మీ ఆదాయం , మీ ఖర్చులు, మీఅస్తులు , మీ అప్పులు  మొదలగు వాటి వివరాలు పేపర్ పై నమోదు చేస్తే దానినే ఫైనాన్షియల్ స్టేట్ మెంట్ అంటారు.

FINANCIAL STATEMENT                    INCOME STATEMENT INCOME EXPENSE CASH FLOW                   BALANCE SHEET ASSETS LIABILITY

పైన చిత్రంలో చూపించిన విధంగా   ఫైనాన్షియల్ స్టేట్ మెంట్  రెండు భాగాలను కలిగి ఉంటుంది. ఒక్కటి ఇన్ కమ్ స్టేట్ మెంట్ , రెండవది బ్యాలన్స్ షీట్ . 

ఇన్ కమ్ స్టేట్ మెంట్ లో మీ సాలరీ , వడ్డీ ఆదాయం, డివిడెండ్ ఆదాయం,రెంటల్ ఆదాయం, బిజినెస్ ఆదాయం,ఇతర ఆదాయాలతో పాటు,  మీ ఖర్చుల వివరాలు అంటే, మీరు చెల్లించే టాక్స్ , మీరు జీవించడానికి పెట్టె ఖర్చులు అంటే ఆహారం, బట్టలు మొదలగు వాటికి పెట్టె ఖర్చులు, మీ క్రెడిట్ కార్డ్ బిల్స్, మీ ఈ ఏం  ఐ లు మొదలగు వాటి వివరాలు ఉంటాయి.

బ్యాలన్స్ షీట్ కూడా రెండు భాగాలను కలిగి ఉంటుంది. మొదటిది  అసెట్ కాలమ్  , రెండవది లయబిలిటీ కాలమ్. సాదారణంగా మధ్యతరగతి ప్రజలూ  ఒకే  ఫైనాన్షియల్ స్టేట్ మెంట్  ఉంటుంది. అది వారి స్వంతది అనే అపోహలో ఉంటారు.కాని వాస్తవంగా ఒక్కో ఆర్ధిక సాధనానికి , ఒక్కో  ఫైనాన్షియల్ స్టేట్ మెంట్  ఉంటుంది. అదే  మిలియనీర్లు, బిలియనీర్లు మనీ తో  మాత్రమే కాకుండా ఫైనాన్షియల్ స్టేట్ మెంట్స్  తో కూడా ఆటలు ఆడతారు.

మీరు ,మీ పిల్లలు జీవితంలో ఆర్ధికంగా ఎదిగి మిలియనీర్లు , బిలియనీర్లు కావాలి అంటే తప్పకుండా తెలుసుకోవాల్సిన ఆర్ధిక విషయాలు part -1

మీరు ,మీ పిల్లలు జీవితంలో ఆర్ధికంగా ఎదిగి మిలియనీర్లు , బిలియనీర్లు కావాలి అంటే తప్పకుండా తెలుసుకోవాల్సిన ఆర్ధిక విషయాలు part -1

డబ్బు గురుంచి మిలియనీర్లు , బిలియనీర్లు వాళ్ళ పిల్లలకు నేర్పేది , పేద , మధ్యతరగతి వాళ్ళు, వాళ్ళ పిల్లలకు నేర్పలేనిది ఏమిటో తెలుసుకుందాం.

సాదారణంగా మీరు ఏ ఇంట్లో చూసిన ఏ తల్లిదండ్రులు అయినా వారి పిల్లలకు  పై క్రింది  నేర్పిస్తారు.మీరు జీవితంలో కనుక ధనవంతులు , మిలియనీర్లు , బిలియనీర్లు కావాలి అంటే మాత్రం  కొన్ని ఆర్ధిక విషయాలు తప్పకుండా తెలుసుకోవాలి.  అవి మనం ఇక్కడ వివరంగా తెలుసుకుందాం.

MIDDLE CLASS TEACH	RICH TEACH
GO TO SCHOOL	FINANCIAL STATEMENTS
WORK HARD	ASSETS
GET GOOD GRADES	LAIBILITIES
GET A JAB	CASH FLOW
JOB SECURITY	GOOD & BAD DEBT
DO IT YOUR SELF	BUSINESS
NEVER THINK OF MONEY	INVESTMENTS
BUSINESS IS RISKY	CREATE JOBS
INVESTMENT IS RISKY	PASSIVE INCOME

అందరూ వారి జీవితంలో ఏదో ఒక్కరోజు ధనవంతులు కావాలి అని ఆశ పడుతూ కలలు కంటారు. ఆశపడటం , కలలు కనడంలో  ఎలాంటి తప్పు లేదు.కాని దురద్రుస్టావశాత్తు  మన విద్యా వ్యవస్థ డబ్బు గురుంచి ఎలాంటి భోదన చేయడం లేదు. అందువల్లనే  చాలా మంది విద్యార్థులు వారి కళాశాల విద్య అనంతరం జీవితంలో డబ్బు సంపాదించడానికి చాలా కష్టపడవలసి ఉంటుంది. చివరకు వారం ప్రారంభంలో  సాలరీ కొరకు ఎదిరి చూడాల్సి వస్తుంది.పోనీ కనీసం తల్లిదండ్రులు అయినా  పిల్లలకు  డబ్బు గురుంచి, ఆర్ధిక విషయాల గురుంచి చిన్నప్పటి నుండి  నేర్పిస్తారా అంటే అది ఉండదు. ఇందులో పాపం వారి తప్పేం ఉంది. ముందుగా వారికి అవగాహన ఉండాలి కదా ?. అదే మిలియనీర్లు , బిలియనీర్లు  వారి పిల్లలకు చిన్నప్పటి నుండి డబ్బు గురుంచి,  ఆర్ధిక విషయాల గురుంచి చిన్నప్పటి నుండి నేర్పిస్తారు. ఎందుకంటె వారికి ఆర్ధిక విషయాల పట్ల పూర్తీ అవగాహన ఉంటుంది కాబట్టి. మీరు జీవితంలో ఆర్ధికంగా ఎదగాలి అంటే మాత్రం తప్పనిసరిగా మీరు ఇక్కడ చెప్పే విషయాలను తప్పనిసరిగా నేర్చుకోవాలి. ముందుగా మీరు మధ్యతరగతి, మిలియనీర్లు, బిలియనీర్ల  ఆలోచనా విధానాలలో  గల తేడా తెలుసుకోండి.

మధ్యతరగతి వాళ్ళు డబ్బు కోసం కష్టపడతారు.

మధ్యతరగతి వారి ఆలోచనా విధానం సాదారణంగా సెక్యూరిటీ గా ఉండే  ఉద్యోగం సంపాదించడం , ఆ ఉద్యోగంలో నెలవారీ జీతం కోసం కష్టపడటం , కొంత వయస్సు వచ్చాక అంటే అరవై , అరవై ఐదేళ్ళ వయస్సు వచ్చాకా రిటైర్ కావడం అనే విధంగా ఉంటుంది.

ఈ ఆలోచన విధానం వారి తల్లిదండ్రులు, తాతముత్తాతల నుండి వస్తుంది. ఇప్పటికి కూడా వారి ఆలోచన విధానంలో తేడా ఎంత మాత్రం ఉండదు. ఉద్యోగం లేకపోవడం లేదా ఉన్న ఉద్యోగం పోవడం అనే ఆలోచనే వారికి భరింపరానిదిగా ఉంటుంది.  వీరికి డబ్బు సంపాదించడానికి చేతనైనది ఒక్కటే అది ఉద్యోగం చేయడం. వారి విలువైన జీవితాన్ని ఉద్యోగానికి అంకితం చేస్తూ ప్రతినెల మొదటి వారం రాగానే సాలరీ కొరకు ఎదిరిచూడటం మాత్రమే చేస్తారు.

మిలియనీర్లు వారి  మనీని వారి కోసం పనిచేసే విధంగా చేస్తారు.

సాదారణంగా మిలియనీర్లు వారి మనీ ని వారి కోసం పనిచేసే విధంగా చేస్తారు.అంటే వారూ అధికంగా కష్టపడకుండా  వారూ ఇదివరకే సంపాదించిన మనీ , ఇంకా వారి కోసం సంపాదించే విధంగా చేసుకుంటారు.వీరూ  మనీని మానేజ్ చేసే నైపుణ్యాన్ని కలిగి ఉంటారు.అంటే మనీని పెట్టుబడి పెట్టడం . వీరూ సాదారణంగా అనేక రకాలైన పెట్టుబడులు పెడతారు. అంటే షేర్స్ , రియల్ ఎస్టేట్ , గోల్డ్, బాండ్స్, మ్యుచవల్  ఫండ్స్, బిజినెస్ , వెబ్సైట్స్ మొదలగునవి. వీరికి ఇన్వెస్ట్మెంట్ చేయడం నైపుణ్యంతో కూడుకున్నది అనే విషయం బాగా తెలుసు, దాని వలన ఆర్ధికంగా చాలా త్వరగా ఎదగవచ్చు అనే విషయం కూడా బాగా తెలుసు. అందువల్లనే వారూ వారి  యుక్త వయస్సులో అంటే సంపాదన  మొదలైన తొలినాళ్ళ లోనే  వీరూ ఇన్వెస్ట్ చేయడం మొదలుపెడతారు. వీరి ఆలోచన విధానం ఒక్కటే .ఇన్వెస్ట్ చేసిన మొదటి రోజు నుండే వారి మనీ ,వారి కోసం  పని చేయడం మొదలు పెట్టి కొంత కాలానికి వారిని ఆర్ధికంగా ఉన్నత స్థితిలో నిలబెట్టి ధనవంతులు చేస్తుంది అని.  అంతే కాకుండా వీరూ  ,వారి పిల్లలకు చిన్నప్పటి నుండి  ఆర్ధికపరమైన పాఠాలు  , ఇన్వెస్ట్మెంట్ నైపుణ్యాలు నేర్పుతారు. అదే సమయంలో మధ్యతరగతి వారూ మాత్రం వారి పిల్లలకు బాగా చదివి  మంచి మార్కులు తెచ్చుకుంటే ,  సెక్యురిటీ ఉన్న మంచి ఉద్యోగం వస్తుంది.దానితో పాటు మంచి సాలరీ వస్తుంది అని పిల్లలకు నేర్పుతారు.

మీరు సంపాదిస్తున్న ఆదాయం మంచిదా ? లేక చెడ్డదా ? అసలు ఆదాయం ఎన్ని రకాలు ? వాటిలో ఏ ఆదాయం మంచిది ? ఎందుకు మంచిది ?

మీరు  సంపాదిస్తున్న ఆదాయం మంచిదా ? లేక చెడ్డదా ? అసలు ఆదాయం ఎన్ని రకాలు ? వాటిలో ఏ ఆదాయం మంచిది ? ఎందుకు మంచిది ?

ఆదాయం అంటే  ఉద్యోగం, బిజినెస్ ,ఇన్వెస్ట్మెంట్ ద్వారా  వచ్చే డబ్బు. ఈ ఆదాయం  మంచి ఆదాయం , చెడ్డ ఆదాయం ఏదైనా కావచ్చు. ఏంటి? ఆదాయంలో కూడా మంచి ఆదాయం , చెడ్డ ఆదాయం అని కూడా ఉంటాయి అని అనుకుంటున్నారా ?  అవును తప్పకుండా ఉంటాయి.మీ దృష్టిలో మంచి ఆదాయం అంటే మంచి సాలరీ , అధిక ఆదాయం ఉండటం , చెడ్డ ఆదాయం అంటే తక్కువ సాలరీ ఉండటం , తక్కువ ఆదాయం ఉండటం.అంటే మీరు పొందుతున్న ఆదాయం యొక్క పరిమాణం ను బట్టి అది మంచి ఆదాయం లేదా చెడ్డ ఆదాయం అనే నిర్ణయానికి వస్తారు.కాని ఇది ఎంత మాత్రం మంచిది కాదు.ఇప్పుడు ఒక్కసారి మనం ఆదాయం ఎన్ని రకాలు దానిలో మంచి ఆదాయం , చెడ్డ ఆదాయం ఏమిటో ఒక్కసారి పరిశీలిద్దాం.

ఆదాయం సాదారణంగా మూడు రకాలుగా ఉంటుంది.

ఆక్టివ్ ఇనకమ్  లేదా ఎర్నేడ్ ఇనకమ్:ఈ ఆదాయం సాదారణంగా మీరు పని చేయడం వలన వచ్చే ఆదాయం.మీరు సాదారణంగా ప్రతి నెల అందుకొనే సాలరీ .దీనిలోనే మీ బోనస్ , కమీషన్ , ఓవర్ టైమ్ పని చేయడం వలన వచ్చే ఆదాయం కూడా ఉంటుంది. ఈ ఆదాయం మీరు ఎప్పుడైతే పని చేయడం అపేస్తారో, అప్పుడు ఈ ఆదాయం రావడం కూడా ఆగిపోతుంది.

పోర్ట్ఫోలియో ఇనకమ్ : ఈ ఆదాయం సాదారణంగా పేపర్ అస్తులవలన  లేదా ఎలక్ట్రానిక్ ఆస్తుల వలన వస్తుంది. అంటే  షేర్స్ ,బాండ్స్, మ్యూచువల్ ఫండ్స్ మొదలగు వాటి ద్వారా వచ్చే ఆదాయం.

పాసివ్ ఇనకమ్:పాసివ్ ఇనకమ్ సాదారణంగా బిజినెస్ లేదా రియల్ ఎస్టేట్ మార్గాల ద్వారా వస్తుంది.అంతే కాకుండా మీ తెలివి తేటల మీదా వచ్చే రాయల్టీ ఇనకమ్ అంటే మీరు వ్రాసిన బుక్స్, సాంగ్స్ ,మొదలగు వాటిపై వచ్చేది.

పై మూడింటిలో పోర్ట్ఫోలియో ఇనకమ్, పాసివ్ ఇనకమ్ మంచి ఆదాయం ఆయితే , ఆక్టివ్ ఇనకమ్  లేదా ఎర్నేడ్ ఇనకమ్  చెడ్డ ఆదాయం అవుతుంది. చాలా మందికి ఈ చేడ్డ ఆదాయం సంపాదించడం మాత్రమే చేతనవుతుంది.మంచి ఆదాయం సంపాదించే ప్రయత్నం కూడా చేయరు.చెడ్డ ఆదాయం కోసం మాత్రం  అధికంగా కష్టపడతారు. 

ఆక్టివ్ ఇనకమ్  లేదా ఎర్నేడ్ ఇనకమ్ ఎందుకు చెడ్డ ఆదాయం.?

ఈ ఆదాయం కోసం మీరు నిరంతరం శ్రమ పడవలసి ఉంటుంది.

మీరు సంపాదించే ఆదాయం పై అధికంగా టాక్స్ చెల్లించవలసి ఉంటుంది.

మీ ఆదాయం పై మీకు ఎలాంటి  కంట్రోల్ ఉండదు. అంటే మీరు టాక్స్ చెల్లించగా మిగిలే ఆదాయం ను మాత్రమే మీకు ఇష్టమైన రీతిలో వాడుకోవచ్చు.

కొన్ని సమయాలలో మీకు కనీస ఆదాయం కూడా మిగలకపోవచ్చు.

ఈ ఆదాయానికి నిర్దిష్ట పరిమితి ఉంటుంది.

ఈ ఆదాయం నో వర్క్ , నో  పే  అనే కేటగిరికి చెందుతుంది.

ఈ ఆదాయం కోసం మీరు నిజంగా చెప్పాలి అంటే బానిసలాగా పని చేయవలసి ఉంటుంది.

ఈ ఆదాయం మీరు ఎంత ఎక్కువగా పొందుతుంటే మీరు అంత బానిసలాగా పని చేయవలసినదే. మీరు పని చేయడం ఒక్కసారి ఆపి వేసారు అంటే మీ ఆదాయం రావడం ఆగిపోతుంది. అంతే కాకుండా ఈ ఆదాయం కొరకు మీరు మీ విలువైన మీ సమయం మొత్తం కేటాయించవలసి ఉంటుంది. కొంత మంది ఈ ఆదాయం కోసం వ్యక్తిగత జీవితాన్ని, కుటుంబానికి కనీస సమయం కూడా కేటాయించకుండా కష్టపడేవాళ్ళ ని చాలా మందిని చూస్తేనే ఉంటారు. ఈ కష్టం పాసివ్  ఇనకమ్ కొరకు కష్టపడితే వారి జీవితం ఆర్ధికంగా ఎంతో ఉన్నత స్థితిలో ఉండేది.

పాసివ్ ఇనకమ్ ఎందుకు ఆమంచి ఆదాయం.

పాసివ్ ఇనకమ్ కొరకు తక్కువగా పని చేయవలసి ఉంటుంది.

పాసివ్ ఇనకమ్ పై టాక్స్ తక్కువగా ఉంటుంది.

ఈ ఆదాయానికి టాక్స్ పరంగా కూడా చాలా మినహాయింపులు ఉంటాయి.

ఈ ఆదాయం సంపాదించడానికి ఎలాంటి నిర్దిష్ట పరిమితి ఉండదు. ఆకాశమే హద్దుగా మీకు చేతనయినంత ఆదాయం సంపాదించు కోవచ్చు. 

మీరు ఎంత ఎక్కువ మందికి సేవ అందించగలిగితే అంత ఆదాయం సంపాదించు కోవచ్చు.

ఒక్కసారి మీరు ఈ ఇనకమ్ సంపాదించడంలో మాస్టర్ అయితే ఇక మీ ఆదాయానికి తిరుగు ఉండదు.

సాదారణంగా బిజినెస్ ఓనర్స్ వారి ఆదాయం పై అధిక కంట్రోల్ కలిగి ఉంటారు. వీరు ఖర్చు పెట్టగా మిగిలిన దానిపై మాత్రమే టాక్స్ చెల్లిస్తారు. మీరు ధనవంతులు కావాలి అంటే మీరు తప్పకుండా పాసివ్ ఇనకమ్ కొరకు ప్రయత్నం చేయాలి.  కాని దురద్రుస్టావశాత్తు చాలా మంది చెడ్డ ఆదాయం కొరకు బానిసలాగా కష్టపడతారు.కనీసం మంచి ఆదాయం సంపాదించే ప్రయత్నం కూడా చేయరు.

ఆక్టివ్ ఇనకమ్  లేదా ఎర్నేడ్ ఇనకమ్ ను 70% ఆదాయం అని కూడా అంటారు.ఎందుకంటె ఈ ఆదాయంలో మీరు తప్పనిసరిగా గరిష్ట  టాక్స్ 30% మీరు చెల్లించిన తర్వాత మిగిలిన ఆదాయం 70% ను మాత్రమే సాలరీ రూపంలో అంటే పే చెక్ రూపంలో అందుకోగలరు. అంటే కనీసం మీరు సంపాదించిన ఆదాయం మీ చేతికి కూడా రాక ముందే 30% పోతుంది. ఇకా మిగిలేది 70% ఆదాయం మాత్రమే కదా ?

జాబ్ చేయడం వలన సెక్యురిటీ ఉంటుంది అని చాలా మంది భావిస్తుంటారు. ఈ రోజుల్లో జాబ్ కి ఎంత సెక్యురిటీ ఉంటుందో మీకు ఎవ్వరూ చెప్పవలసిన  పనిలేదు. జాబ్ చేయడం వలన మీరు చాలా చాలా తక్కువ ఆదాయం పొందుతారు. కాని చాలా ఎక్కువగా కష్టపడవలసి ఉంటుంది.ఈ రోజుల్లో తెలివైన వారూ చేసే పని తక్కువ కష్టపడటం , ఎక్కువ ఆదాయం పొందటం. దీనినే 80:20  రూల్ అంటారు . అంటే మీ  20% కష్టం తో 80% ఆదాయం రావాలి. ఇది కూడా మన జనాభాలో 20 % మాత్రమే అంటే పాసివ్ ఇనకమ్  కోసం మాత్రమే పని చేస్తారు . 80 % మాత్రం ఆక్టివ్ ఇనకమ్  లేదా ఎర్నేడ్ ఇనకమ్ కోసం పని చేస్తారు. ఏది ఎమైనా మీరు మీ స్వంత బిజినెస్ కోసం కష్టపడం వలన చాలా లాభాలు ఉంటాయి.

-	EMPLOYESS	BUSINESS OWNER
STEP 1	EARNS	EARNS
STEP 2	TAXED (TDS)	SPENDS
STEP 3	SPENDS WHAT IS LEFT	PAY TAX WHAT IS LEFT

ఉద్యోగస్తులూ , బిజినెస్ చేసే వాళ్ళు ఇద్దరూ  ఆదాయం పొందుతారు.కాని  ఉద్యోగస్తులూ ముందుగా వారూ సంపాదించిన దానికి టాక్స్ చెల్లించి మిగిలిన మొత్తాన్ని మాత్రమే ఖర్చు చేసుకొనే అవకాశం కలిగి ఉంటారు. అదే వ్యాపారస్తులు ఐతే మాత్రం  సంపాదించిన ఆదాయం ముందుగా ఖర్చు చేసి మిగిలిన మొత్తం పై మాత్రమే టాక్స్ చెల్లిస్తారు. ఉద్యోగస్తుల కొరకు టాక్స్ లా  పరమ దరిద్రంగా ఉంటే , వ్యాపారస్తుల కోసం మాత్రం టాక్స్ లా   చాలా అనుకూలంగా ఉంటుంది.మీరు మీకున్న భాద్యతల వలన ఉద్యోగం తప్పనిసరి అయితే మీకున్న ఖాళీ సమయం ప్రెండ్స్ తో పనికి రాని కబుర్లు,  టి .వి చూడటం కంటే పార్ట్ టైం బిజినెస్ ప్రారంబించి  మంచి ఆదాయం పొందడానికి  కష్టపడండి.

ఈవారం స్టాక్ మార్కెట్ 01-10-2012to05-10-2012

ఈవారం స్టాక్ మార్కెట్ 01-10-2012to05-10-2012

గత వారం నిఫ్టీ 52 వారాల గరిష్ట స్థాయి  5735  నమోదు కావడం జరిగినది.ఇక ఈ వారం మార్కెట్ విషయానికి వస్తే మంగళవారం గాంధీ జయంతీ రోజున సెలవు కావడం , ఈ వారం మొత్తం చైనా మార్కెట్స్ కి నేషనల్ డే సెలవులు  ఉండటం ,హాంకాంగ్ మార్కెట్ కి కూడా రెండు రోజులు సెలవులు ఉండటం వలన మన మార్కెట్ కూడా కాస్తంత బోర్ గా ఉండే అవకాశం మాత్రం కలదు.గతవారం నిఫ్టీ కాన్సాలిడేషన్  జరిగి నిఫ్టీ ఫిబోనస్సీ గోల్డెన్  రేషియో 61.8% ఐనటువంటి 5648 వద్ద మరియు  5638 వద్ద డబల్ బాటం పాటర్న్ ఏర్పాటు జరిగి అక్కడ సపోర్ట్ తీసుకొని నిఫ్టీ 5735 వరకు వెళ్లి april 2011తర్వాత మొదటిసారిగా 5700 పైన క్లోజ్ కావడం జరిగినది.కాని రెసిస్టన్స్ ఐనటువంటి 5740  మాత్రం దాటలేకపోయినది.నిఫ్టీ డెయిలీ చార్ట్ లో షూటింగ్ స్టార్ లాంటి పాటర్న్, వీక్లీ చార్ట్ లో దోజి పాటర్న్ ఏర్పాటు కావడం జరిగాయి. రెండు కూడా బెరిష్ పాటర్న్స్ . కాని కన్ఫర్మేషన్ మాత్రం తప్పనిసరి. 5740 పైన నిఫ్టీ నిలదోక్కుకున్నట్టు ఐతే మాత్రం నిఫ్టీ వీక్లీ చార్ట్ ట్రెండ్ లైన్ రెసిస్టన్స్ 5850 , తర్వత 5940    వరకు ర్యాలీ జరగవచ్చు.గత నెల లో వచ్చిన ర్యాలీ తర్వాత ఈ నెలలో ఎక్కువ ర్యాలీ జరగకపోవచ్చు. ఈ నేలాలో నిఫ్టీ 5500-5850 మధ్యలో చలించడానికి అవకాశం ఉంది.  ప్రస్తుతానికి నిఫ్టీకి మద్దతు 5635, 5580 5535  వద్ద కలదు.  నిఫ్టీ గురుంచి డెయిలీ అప్ డేట్ చేయండి అని చాలా మంది అడుగుతున్నారు.ఈ పోస్ట్ లో నిఫ్టీ ఈ వారం గురుంచి వివరించడం జరిగినది.ఈ పోస్ట్ లో వివరించిన  వ్యూ ఈ వారం గురుంచి. ఒకవేళ ఏవైనా మార్పులు , చేర్పులు ఉంటే తప్పకుండా అప్ డేట్ చేయగలం. ఈ బ్లాగ్ రెగ్యులర్ గా ఫాలో అవుతున్న వారందరికి తెలుసు . నిఫ్టీ గురుంచి ఎంత ఖచ్చితంగా తెలియచేయడం జరుగుతున్నదో.

ముఖ్య గమనిక :మీరు  స్టాక్ మార్కెట్ టెక్నికల్ అనాలసిస్ లో ఏదైనా ఒక పద్ధతి  ఎంచుకొని దానినే స్థిరంగా  మీరు ఫాలో అయితే స్టాక్ మార్కెట్ లో మీరు డబ్బులు సంపాదించు కోవడం చాలా సులభం. దాని కోసం ముందుగా మీకు కావలసినది స్టాక్ మార్కెట్ పై అవగాహన .ఒక్క విషయం తప్పకుండా గుర్తుంచుకోండి. లెర్నింగ్ చేస్తేనే ఎర్నింగ్ సాధ్యం అవుతుంది. రాజీవ్ గాంధీ ఈక్విటీ సేవింగ్ స్కీమ్

 http://telugufinancialschool.blogspot.in/2012_09_01_archive.html

నెంబర్ 72 మహత్యం

నెంబర్ 72  మహత్యం 

సాదరణంగా చాలా మందిని ఒక సందేహం   ఎప్పుడు వెంటాడుతూ ఉంటుంది. అదేమిటంటే   వారి డబ్బు ఎంత కాలంలో రెట్టింపు అవుతుంది అనే విషయం. చక్రవడ్డీ తో మీరు పొదుపు చేసిన డబ్బు  ఎంతకాలంలో రెట్టింపు అవుతుంది తెలుసుకోవాలి అంటే  మీరు నెంబర్  72 గురించి తప్పకుండా తెలుసుకోవలసినదే. ఈ ఫార్ములా ని శాస్త్రవేత్త ఆల్బర్ట్ ఐన్స్టీన్ అవిష్కరించెను . ఇది చాలా సులభం వడ్డీ రేటు తో 72 ను భాగిస్తే చాలు . మీ సొమ్మూ ఎంత కాలంలో రెట్టింపు అవుతుందో సులభంగా తెలిసిపోతుంది. ఉదాహరణకు వడ్డీ రేటు 12 శాతం అనుకుంటే మీ డబ్బు 8  సంవత్సరాలలో రెట్టింపు అవుతుంది.అదెలాగంటే  72/12=8.  ఈ విధంగా  72 సంఖ్యా ద్వారా మీ దబ్బు రెట్టింపు  జరిగే కాలాన్ని సులభంగా లెక్కించవచ్చు.వడ్డీ రేటు స్థిరంగా ఉన్నప్పుడు మాత్రమె ఈ ఫార్ములా ఉపయోగపడుతుంది.మీరు రూ.  2,500  లను 9% శాతం వడ్డీ కి ఇన్వెస్ట్ చేస్తే మీ డబ్బు  72/9= 8.  సంవత్సరాలలో రెట్టింపు అవుతుంది.

ధనవంతులు కావడానికి ఉన్న అవకాశాలు

ధనవంతులు కావడానికి ఉన్న అవకాశాలు

ధనవంతులు  ఏ విధంగా కావచ్చు అని ఎవ్వరిని అడిగిన చెప్పే సమాధానం . బాగా సంపాదించు  లేదా కోరికలను తక్కువగా కలిగి ఉండి  అధికంగా అదా చేయడం అని చెప్తారు. కాని చాలా మంది రెండిటిలో దేనిలో కూడా ప్రావీణ్యం కలిగి ఉండలేరు.చాలా  మందికి  అధిక కోరికలు  ఉంటాయి కాని అధిక సంపాదన మాత్రం ఉండదు. చాలా మంది ఇతర  మార్గాలా ద్వారా ధనవంతులు  కావడం జరుగుతుంది.  మనం ఒక్కసారి ఆ మార్గాలు ఏమిటో పరిశీలిద్దాం.

మీరు ధనవంతులైన  అమ్మాయిని లేదా అబ్బాయిని పెళ్లి చేసుకోవడం. 

చాలా మందికి ధనవంతులు కావడానికి సులభంగా ఎన్నుకొనే మార్గం. ఈ రోజుల్లో దాదాపుగా ప్రతి పెళ్లి వెనుక డబ్బు ప్రముఖ పాత్ర వహిస్తుంది.కాని ఇక్కడ ఒక్క విషయం కేవలం డబ్బుపై ప్రేమతో అమ్మాయి లేదా అబ్బాయి పై ప్రేమ లేకుండా  పెళ్లి చేసుకోవడం వలన  జీవితంలో  ఇబ్బందుల పాలు తప్పకుండా పడతారు.

మోసగాడు లేదా నిజాయితీ లేని వ్యక్తిగా మారడం.

చాలా మంది లీగల్ గా నిజాయితీ తో ధనవంతులు కాలేము అనే ఉద్దేశంతో  ఇల్లీగల్ మారగాన్ని అంటే మోసపూరిత మార్గాన్ని ఎన్నుకుంటారు.  కాని ఈ మార్గంలో ఎప్పటికైనా జైలు కి వెళ్ళాక తప్పదు అనే విషయాన్ని మీరు గుర్తుపెట్టుకోవాలి.ఈ మార్గం ఎన్నటికి అనుసరణీయం కాదు.

వంశ పారంపర్యంగా ధనవంతులు కావడం. 

ఉదాహరణకు మీ తాత లేదా తండ్రిగారు ధనవంతులు ఐతే  , ఆ ఆస్థి వారసత్వంగా మీ వద్దకు చేరుకోవడం వలన కూడా ధనవంతులు  కావచ్చు. కాని  మీ సంపాదన ద్వారా  మీరు ధనవంతులు ఐతే ఉండే ఆనందం దీనిలో ఉండదు.అంతే కాకుండా ఇలా వారసత్వంగా ధనవంతులు కావడం అనేది అందరికి ఉండే అవకాశం మాత్రం కాదు.

లాటరీ గెలుపొందడం వలన ధనవంతులు కావడం.

ఈ మార్గం ద్వారా ధనవంతులు కావడం  మంచిదే. కాని ఈ విధంగా ధనవంతులు కావాలి అని మీరు ఎదిరి చూడటం గాలిలో దీపం లాంటిది.చాలా మంది లాటరీ గెలుస్తాం అనే ఆశతో లాటరీ టిక్కెట్లు కొనడం చూస్తేనే ఉంటాం. కాని  ఈ విధంగా ధనవంతులు కావదానికి ఉండే అవకాశం చాలా తక్కువ..

సినిమా స్టార్ లేదా గొప్ప స్పోర్ట్ స్టార్  కావడం

మీరు చాలా అందంగా ఉండి  మీ వద్ద టాలెంట్ ఉంటే మీరు సినిమా స్టార్ లేదా టి వి స్టార్  కావడం లేదా మీకు ఏదైనా ఆటలో మంచి ప్రావీణ్యం ఉంటే  గొప్ప స్పోర్ట్ స్టార్  కావడం వలన కూడా మీరు ధనవంతులు కావచ్చు.

ధనవంతులు కావాలి కోరిక మీలో అధికంగా ఉండటం.

కొంత మందికి ధనవంతులు కావలి అనే కోరిక చాలా అధికంగా ఉంటుంది. ఇలాంటి వారూ ,వారి లక్ష్యాల కోసం చాలా కష్టపడతారు. వారి లక్ష్యం కోసమా వారి వ్యక్తిగత జీవితాన్ని కూడా త్యాగం చేయవలసి ఉంటుంది.

ఆర్ధికంగా పూర్తీ అవగాహన కలిగి  ఉండటం. 

కొంత మంది ఆర్ధిక విషయాల పట్ల పూర్తీ అవగాహన కలిగి ఉండి  సరియైన సమయంలో , సరియైన విధంగా ఫైనాన్సియల్ ప్లానింగ్ ఏర్పాటు చేసుకొని ధనవంతులు కావడం జరుగుతుంది. దీని కోసం మీరు ఆర్ధిక విషయాలు నేర్చు కోవలసి ఉంటుంది.

చాలా మందికి సేవ చేయడం.

ఇక్కడ సేవ చేయడం అంటే  సామాజిక సేవ చేయడం కాదు. మీరు ఉద్యోగస్తులూ  ఐతే మీ సర్వీసు కొంత మందికే మాత్రమే అందించ బడుతుంది దానికి మీరు జీతం అందుకుంటారు .అదే మీరు వ్యాపారస్తులూ ఐతే చాలా మందికి సేవ చేయవచ్చు. దాని ద్వారా మీ వ్యాపారం సులభంగా అభివ్రుద్ది చెందడంతో మీ కోరిక నెరవేరుతుంది.కాని ఈ పద్దతిలో మీరు ధనవంతులో కావాలి అంటే మాత్రం మీరు మీ ఉద్యోగాన్ని వదిలి మీ స్వంత బిజినెస్ ప్రారంభం చేయాల్సి ఉంటుంది.