బంగారంలో ఇప్పుడు పెట్టుబడి పెడితే రానున్న మూడేళ్లలో రెట్టింపు కావడం నిజమేనా ?

బంగారంలో ఇప్పుడు పెట్టుబడి పెడితే రానున్న మూడేళ్లలో రెట్టింపు కావడం నిజమేనా ?

రానున్న మూడేళ్ళ కాలంలో బంగారం ధర  రెట్టింపు అవుతుంది అంటే అచ్చర్యపోతున్నారా ? మీరు బంగారం ధర గత కాలంలో ఎలా పెరిగినదో మీకు తెలుసుకదా ? మీరు బంగారం ధర ఒక్కసారి  పరిశీలిస్తే ఇండియా లో డిశంబర్ 2007  10gr బంగారం ధర  రూ .10,000  ఉంటే  డిశంబర్   2010 లో రూ 20,000 లకు చేరుకుంది.అంటే కేవలం మూడు సంవత్సరాలలో రెట్టింపు ధరకు చేరుకుంది . సెప్టెంబర్ 2009లో  రూ.16500 ఉంటే మూడు సంవత్సరాలో  అంటే 2012లో రూ.32500 కు చేరుకుంది ఇప్పుడు కూడా మూడు సంవత్సరాలలో రెట్టింపు ధరకు చేరుకుంది.

మనదేశం బంగారాన్ని అధిక శాతం విదేశాలనుండే  దిగుమతి చేసుకుంటుంది. అందువలన మన దేశంలో బంగారం ధర అంతార్జాతీయ ధర కి  అనుగుణంగా ఉండదు.

అంతార్జాతీయ మార్కెట్ లో  బంగారం 23 Aug 2011 న $1900 గరిష్ట స్థాయికి చేరుకున్నప్పుడు మన దేశంలో బంగారం ధర రూ. 28600 ఉంటే ఇప్పుడు  అంతార్జాతీయ మార్కెట్ లో  బంగారం $ 1730 చేరుకుంటే  మనదేశంలో మాత్రం బంగారం రూ .32500 చేరుకుంది. అంతార్జాతీయ మార్కెట్ లో  బంగారం ధర తగ్గిన మనదేశంలో బంగారం ధర పెరగడానికి ముఖ్య కారణం డాలర్ బలపడటం , రూపాయి బలహీనపడటమే . అంతే కాకుండా రోజురోజుకి బంగారం పై ఇన్వెస్ట్ చేసే వాళ్ళు పెరుగుతుండటం.

రెండు సంవత్సరాల క్రితం డాలర్ కి రూపయాయి మారకపు విలువ రూ 45ఉంటే ఇప్పుడు రూ   55 గా ఉంది.కేవలం రూ. 10తేడా  అంతార్జాతీయ మార్కెట్ లో  బంగారం ధర తగ్గిన మనదేశంలో బంగారం ధర పెరగడానికి కారణమైనది.అంతే కాకుండా అంతార్జాతీయంగా ఆర్ధికమాంద్యం , యూరో జోన్ పరిస్థితులు  హెడ్జ్ ఫండ్స్ ను బంగారంలో అధికంగా ఇన్వెస్ట్ చేయడానికి కారణమవుతున్నాయి.

ఈ బంగారం ధర పెరగడం ఫిజికల్ గా బంగారు అమ్మకాల పై ప్రభావం  చూపినప్పటికీ  గోల్డ్ ETF లో   ఇన్వెస్ట్ చేయడం మాత్రం తగ్గడం లేదు.అంతే కాకుండా దేశంలో వర్షాభావ పరిస్థితులు సాదరణంగానే నమోదు కావడం  నవరాత్రుల తర్వాత మంచి రోజులు ఉండటం .దీపావళి  మొదలగు పండుగల వలన మళ్ళీ బంగారం ఆభరణాలకు గిరాకీ పెరిగే అవకాశం కూడా ఉంది.బంగారం ప్రస్తుతం అధిక స్థాయిల వద్ద ఉన్నప్పటికీ కూడా  అంతార్జాతీయంగా నెలకొన్న ఆర్ధిక పరిస్థితులు, ఇన్వెస్టర్ల నుండి ఉన్న డిమాండ్ , రూపాయి బలహీనత మొదలగు అంశాల ఆధారంగా బంగారం ధర ఇంకా పెరగడానికే అవకాశం ఉంది. మీరు చూస్తూ ఉండగానే బంగారం రూ .32500 నుండి రూ 65000 లకు 2015  కల్లా చేరుకునే అవకాశం అధికంగా ఉంది.

గమనిక : ఏ ఇన్వెస్ట్మెంట్ సాధనం లో ఐనా సరే రిస్కు అనేది తప్పకుండా ఉంటుంది. రిస్కు లేకుండా రిటర్న్ అనేది ఉండదు. అందుకే ఎవరికి వారూ , వారూ భరించగలిగే రిస్కు  కి అనుగుణంగా ఇన్వెస్ట్ చేయడం చేయాలి. పైన బంగారం పై కేవలం నా  అభిప్రాయం తెలియచేయడం జరిగినది.

telugufinancialschool@gmail.com

ఈ రోజు స్టాక్ మార్కెట్ 20-09-2012

ఈ రోజు స్టాక్ మార్కెట్ 20-09-2012

మమత బెనర్జీ UPA  ప్రభుత్వానికి మద్దతు ఉపసంహరించుకోవడంతో కేంద్ర ప్రభుత్వం మైనారిటీలో పడిపోవడం జరిగినది. ఇప్పుడు ప్రభుత్వం ప్రస్తుతం ములాయం సింగ్ యాదవ్ , మాయావతి నిర్ణయాలపై ఆధారపడి ఉంది. ములాయం సింగ్ యాదవ్  ప్రభుత్వానికి మద్దతు ఇవ్వాలా , వద్దా అనే తన నిర్ణయాన్ని ఈ రోజు వెలువరించానున్నారు.ఈ రోజు మార్కెట్ గ్యాప్ డౌన్ ప్రారంభం అవుతుంది.నేను ఇదివరకే మీకు తెలియచేసినట్టుగా కొత్తగా ఏర్పాటు కాబడిన స్వింగ్ హై 5652 పైన నిఫ్టీ నిలదొక్కుకున్నట్టు ఐతేనే  మార్కెట్ లో  మరింత ర్యాలీ రావడానికి అవకాశం కలదు. మంగళవారం మొత్తం నిఫ్టీ 5586-5621 మధ్యనే కదలాడటం జరిగినది.ప్రస్తుతం నిఫ్టీ కి తక్షణ మద్దతు  5554, 5528,5465  వద్ద కలదు .ఒకవేళ  గ్యాప్ డౌన్ లో నిఫ్టీ   5554 క్రింద నిలదోక్కుకున్నట్టు 5528,5465  వరకు పతనం  కావడానికి అవకాశం కలదు. లాంగ్ పొజిషన్స్ కి మాత్రం 5466  బ్రేక్ కానంత వరకు ఎలాంటి ఇబ్బంది లేదు. 

ఆర్ధికంగా ఎదాగాలి డబ్బు సంపాదించాలి అంటే ఎమి చేయాలి part 4

ఆర్ధికంగా ఎదాగాలి డబ్బు సంపాదించాలి అంటే ఎమి చేయాలి    part 4 

మీరు ఎప్పుడైనా  రాష్ట్ర బడ్జెట్ , లేదా కేంద్ర బడ్జెట్ ప్రకటించినప్పుడు ఎప్పుడైనా దానిని చదివి అర్ధం చేసుకొనే ప్రయత్నం చేసారా ! రూపాయి రాకా లేదా రూపాయి పోక గురుంచి. చాలా మంది దీని గురుంచి మాకు ఏమి అర్ధం అవుతుంది అనే ఉద్దేశంతో ఆ పేజీలు కూడా కనీసం  చూడరు. చివరకు పేపర్లో , కాని టీవీ లో వచ్చ్చే బిజినెస్ న్యూస్ చూడటం వలన ఐనా అర్దికంశాల పట్ల అవగాహన కలుగుతుంది. చాలా మంది  పేపర్ రాగానే మొదట చేసేది రాజకీయ వార్తలు , సినిమా వార్తలు లేదంటే క్రికెట్ గురించిన వార్తలు మాత్రమే చూస్తారు. రాజకీయాల గురుంచి భాద్యత గల పౌరుడిగా ఎలక్షన్  సమయంలో  మంచి నాయకుడిని ఎన్నుకోవడానికి ఆలోచించండి. మీ అభిమాన హీరో సినిమా  మంచిగా ఉన్నా  , లేకున్న అతనికి మాత్రం డబ్బులు వస్తాయి . మీకు డబ్బులు దండగ  పైగా తలనొప్పి ఒక్కటి.ఇంకా చెప్పాలి అంటే అతని డైలాగ్ అతనిది కాదు , అతని పాట అతనిది కాదు, అతని డాన్స్ అతనిది కాదు.ఏది ఆ హీరోది  కానప్పుడు అతని సినిమా చూడటం అవసరమా !ఇకా కొంత మంది ఉంటారు క్రికెట్ వస్తుంటే నోళ్ళు వెళ్ళబెట్టి దాన్ని చూస్తారు తప్ప కనీసం బిజినెస్ న్యూస్ చూడటానికి కూడా ఇష్టపడరు. క్రికేట్ అంటే ఇష్టం ఉంటే చూడటం కాదు ఆడండి. దానివల్ల కనీసం బాడీ లో ఉన్న కొవ్వు కరుగుతుంది .ఆరోగ్యంగా ఉంటారు. మానవ సంభందాలన్ని ఆర్ధిక సంభాదాలైన  ఈ రోజుల్లో మీరు ఆర్ధికంగా ఉన్నత స్థితికి ఎదగడానికి ప్రయత్నం చేయాలి. దానికి మీరు ఆర్ధిక అంశాల పట్ల అవగాహన  కలుగచేసుకోవాలి. మీకు అవగాహన ఉంటేనె  మంచి రాబడి అందించే సాధనాలలో  ఇన్వెస్ట్ చేయగలుగుతారు లేదంటే   ఇంకా సంప్రదాయ పొదుపు పథకాల  పట్టుకొని వేలాడుతూనే ఉంటారు.రానున్న కాలంలో ప్రతి కుటుంబానికి ఒక ఫ్యామిలీ డాక్టర్  ఏవిధంగా ఉన్నారో అదే విధంగా ప్రతి కుటుంబానికి  ఆర్ధిక నిపుణుడి అవసరం ఉంటుంది. ప్రతి ఒక్కరికి  ఆర్ధిక  విషయాల పట్ల అవగాహన తప్పనిసరి.

ముఖ్య గమనిక :మీరు  స్టాక్ మార్కెట్ టెక్నికల్ అనాలసిస్ లో ఏదైనా ఒక పద్ధతి  ఎంచుకొని దానినే స్థిరంగా  మీరు ఫాలో అయితే స్టాక్ మార్కెట్ లో మీరు డబ్బులు సంపాదించు కోవడం చాలా సులభం. దాని కోసం ముందుగా మీకు కావలసినది స్టాక్ మార్కెట్ పై అవగాహన .ఒక్క విషయం తప్పకుండా గుర్తుంచుకోండి. లెర్నింగ్ చేస్తేనే ఎర్నింగ్ సాధ్యం అవుతుంది.

 http://telugufinancialschool.blogspot.in/2012_09_01_archive.html

T20 క్రికెట్ కి, మరియు ఇన్వెస్ట్మెంట్ కి మధ్యగల ఆసక్తికర సారూప్యతలు part 2

T20 క్రికెట్ కి, మరియు ఇన్వెస్ట్మెంట్ కి  మధ్యగల ఆసక్తికర సారూప్యతలు  part2

Strategic break

T20 క్రికెట్ లో పది ఓవర్ల తర్వాత విరామం తీసుకొని తర్వాత  ఆటలో అనుసరించవలసిన వ్యహాల గురుంచి ఏ విధంగా చర్చించుకుంటారో  అదే విధంగా మీరూ కూడా మీ ఫైనాన్సియల్ ప్లానింగ్  ను  మధ్య మధ్యలో సమీక్షీంచుకుంటూ  మీ ఆర్ధిక లక్ష్యాలు చేరుకోవడానికి  కావలసిన విధంగా మీ  ఆర్ధిక ప్రణాళికను ఏర్పాటు చేసుకోవాలి.

Balance

మీరూ 11 మంది బ్యాట్స్ మెన్  లేదా  11 మంది బౌలర్లతో క్రికెట్ అడలేరు. ఆటకి అనుగుణంగా  బ్యాట్స్ మెన్  మరియు బౌలర్లతో ఆటకి అనుగుణంగా జట్టును ఏర్పాటు చేసుకుంటారు. అదే విధంగా మీరూ కూడా మీ ఇన్వెస్ట్మెంట్ ను కూడా బ్యాలన్సేడ్ పోర్ట్పోలియో ఏర్పాటు చేసుకోవాలి.  ప్రతి ఇన్వెస్ట్మెంట్ సాధనం కూడా కొన్ని అనూకూల , ప్రతికూల లక్షణాలను కలిగి ఉంటుంది.

One bad over

కొన్ని సార్లు క్రికెట్ లో ఏ విధంగా బ్యాడ్ ఓవర్ వస్తుందో అదే విధంగా మన జీవితంలో కూడా బ్యాడ్ పీరియడ్ ఉంటుంది. ఆక్సిడెంట్ కావడం ,వైద్యపరంగా అత్యవసర పరిస్థితి రావడం, ఉద్యోగం కోల్పోవడం ,ఇంట్లో సంపాదించే వ్యక్తీ మరణం  మొదలగు సంఘటనల వలన ఆర్ధిక పరిస్థితి తలక్రిందులు అవుతుంది. అందువలన అలాంటి  సంఘటనలు సంభవించినప్పుడు ఎదుర్కోవడానికి సిద్దంగా ఉండాలి.

Consistency gets rewarded

క్రమం  తప్పకుండా సిస్టామేటిక్ గా  దీర్ఘాకాలం చేసే ఇన్వెస్ట్మెంట్   మంచి లాభాలు అందించగలదు..

Coaching helps

ఒక క్రికెట్ అటగాడు మంచి క్రీడాకారుడిగా రూపొందడానికి కోచింగ్ ఏ విధంగా సహాయం చేస్తుందో  మీకు తెలుసుకదా ? అర్దిక పరమైన విషయాలాలో ఎవ్వరికీ వారూ స్వంత నిర్ణయాలు తీసుకొనే శక్తి ఉండదు. అందువలన తప్పనిసరిగా  ఇన్వెస్ట్మెంట్ నిపుణుల సహాయం తప్పకుండా తీసుకోవాలి.

Distractions can be entertaining but ultimately the score matters

వ్యక్తీ గత జీవితంలో భావోద్వేగాలు చాలా సహజం . కాని మీరు మీ ఇన్వెస్ట్మెంట్ స్ట్రాటజీ కి వచ్చే సరికి తప్పనిసరిగా మీరు అత్యాశ, భయం. ఒకే ఇన్వెస్ట్మెంట్ సాధనం పై ప్రేమ మొదలగు వాటిని  మాత్రం తప్పకుండా నియంత్రించుకోవాలి.

Winning attitude

క్రికెటర్కి మ్యాచ్ గెలవాలి అనే  దృక్పథం ఏ విధంగా ఉంటుందో అదే విధంగా మీకు ఇన్వెస్ట్మెంట్ లో తప్పనిసరిగా లాభాలు అందుకోవాలి  అనే దృక్పథం ఉండాలి. దానితో మీరు సరియైన ఆలోచనతో మంచి ఇన్వెస్ట్మెంట్ సాధనాలలో ఇన్వెస్ట్ చేయగలుగుతారు.

T20 క్రికెట్ కి, మరియు ఇన్వెస్ట్మెంట్ కి మధ్యగల ఆసక్తికర సారూప్యతలు

T20 క్రికెట్ కి, మరియు ఇన్వెస్ట్మెంట్ కి  మధ్యగల ఆసక్తికర సారూప్యతలు 

T20 క్రికెట్ కి,   ఇన్వెస్ట్మెంట్  మధ్యన  సారూప్యతలు  ఏంటి ? అని అచ్చర్యపోకండి .ఫైనాన్సియల్ ప్లానింగ్, ఇన్వెస్ట్మెంట్  మరియు  T20 క్రికెట్  కి మధ్యన ఉమ్మడి వ్యూహాలు చాలా ఉన్నాయి.క్రికెట్ మన  దేశంలో అత్యంత ప్రజాదరణ పొందిన క్రీద అనడంలో ఎవ్వరికీ ఎలాంటి సందేహం అవసరం లేదు. ముఖ్యంగా ఇండియన్ ప్రీమియర్ లీగ్  T20 ప్రారంభం అయ్యాక చాలా ప్రజాదరణ పొందడమే కాకుండా అధిక లాభాలు కూడా అందుకొంటుంది. T20 క్రికెట్ లో ఆటగాళ్ళు అడే ఆటకి , వారూ తక్కువ సమయంలో ఎక్కువ పరుగులు చేయడానికి పడే తపనకి  , మీ ఇన్వెస్ట్మెంట్ , మీ రిటైర్మెంట్  అనంతర జీవితం సాఫీగా గడపడానికి  మీరు చేసుకునే ఆర్ధిక ప్రణాళికకి మధ్య గల  సారూప్యతలు చాలా ఉన్నాయి. ప్రముఖ ఆర్ధిక నిపుణులు కార్తీక్ వర్మ చక్కని ఆసక్తి కరమైన విశ్గ్లేషణ చేయడం జరిగినది. అవి ఏంటో  మనం కూడా ఒక్కసారి  వివరంగా పరిశీలిద్దాం.అవి

1.    Start early

2.    Risk and Reward tradeoff

3.    Be ready for the unexpected

4.    Strategic break

5.    Balance

6.    One bad over

7.    Consistency gets rewarded

8.    Coaching helps

9.    Distractions can be entertaining but ultimately the score matters

10. Winning attitude

ఇప్పుడు మనం ఒక్కొక్క దాని గురుంచి వివరంగా తెలుసుకుందాం.

Start early

T20 క్రికెట్ లో బ్యాట్స్ మెన్  బాదడం లేదా బౌలర్  వికెట్లు తీసి మ్యాచ్ పై పట్టు సాధించడానికి  ప్రారంభంలోనే ప్రయత్నిస్తారు. అదే విధంగా మీరు కూడా మీ జీవితంలో ఆర్ధికంగా ఎదగాలి అంటే మీరూ పొదుపు చేయడం ,చేసిన పొదుపును ఇన్వెస్ట్మెంట్ గా మార్చడం ఎంత త్వరగా చేస్తే అంత మంచిది.  మీరూ క్రమం తప్పకుండా , త్వరగా ఇన్వెస్ట్ చేస్తూ సరియైన ఫైనాన్సియల్ ప్లానింగ్ ఏర్పాటు చేసుకోవడం  వలన కౌమ్పౌన్డింగ్  గ్రోత్ వలన మంచి లాభాలు  అందుకోవచ్చు.

Start now, Save more, Retire rich.

Risk and Reward tradeoff

క్రికెట్ అట యొక్క ఫలితం కెప్టెన్ మరియు ఆటగాళ్ళు తీసుకొనే రిస్కు పై  అధారపడి ఉంటుంది అనే విషయం మీకు తెలుసుకదా ? మీకు వచ్చే లాభాలు ఎప్పుడూ కూడా మీరు తీసుకొనే రిస్కుపై , మీరూ చేసే ఇన్వెస్ట్మెంట్ పై ఆధారపడి ఉంటుంది.మీరూ ఎలాంటి ఇన్వెస్ట్మెంట్ చేస్తున్న కూడా మీరూ రిస్కుకి సిద్దపడి లేకపోతే మీరూ మంచి రిటర్న్స్ అందుకోలేరు. అందుకే ముందుగా మీరు ఇన్వెస్ట్మెంట్ చేసే ముందు రిస్కు ఎంత వరకూ తీసుకోగలరు , ఆ రిస్కు వలన సంభవించే పరిణామాలను  ఎంత వరకు తట్టుకోగలరూ మొదలగు వాటిని నిర్ణయించుకోవాలి. రిస్కు లేకపోతే రిటర్న్ లేదని తెలుసుకోండి.

Be ready for the unexpected

ఉహించని సంఘటనలు జరిగిన కూడా తట్టుకోవడానికి సిద్దంగా ఉండాలి. క్రీజ్ లో నిలదొక్కుకొని బాగా ఆడుతున్న అటగాడు ఉహించని విధంగా  ఔట్ ఐనప్పటికి తర్వాత బ్యాట్స్ మెన్  తనపని తనూ చేసుకుంటాడు. ఇన్వెస్ట్మెంట్ చేసినప్పుడూ  సాదారణంగా మనుషులకు రెండు లక్షణాలు ఉంటాయి. వాటిలో ఒక్కటి భయం  అంటే పెట్టిన ఇన్వెస్ట్ ఏమవుతుందో అని, ఇక రెండోది అత్యాశ అంటే కొన్నాళ్ళు ఆగితే ఇప్పటికంటే అధిక లాభం వస్తుంది అనే   అత్యాశ ద్వారా మొత్తం పోగోడుతారు. అందుకే మన పెట్టుబడి ఉహించని సంఘటనల ద్వారా నష్టపోయిన తట్టుకోవడానికి సిద్దంగా ఉండాలి. 

ఈ రోజు స్టాక్ మార్కెట్ 18-09-2012

ఈ రోజు స్టాక్ మార్కెట్ 18-09-2012

మీకు నిన్నటి పోస్టులో నిఫ్టీ తక్షణ ర్యాలీ 5648 వరకు వెళ్ళగలదు . 5648 పైన నిఫ్టీ నిలదోక్కుకున్నట్టు ఐతే మరింత పైకి వెళ్ళగలదు అని తెలియచేయడం జరిగినది.నిఫ్టీ 5652 హై ఏర్పాటు ఐనది కాని రెసిస్టన్స్ ఐనటువంటి 5648 పైన నిలదోక్కుకోలేకపోయినది. ప్రస్తుతం నిఫ్టీ 5500-5650 మధ్య చలించడానికి అధిక అవకాశం కలదు. నిఫ్టీ 5648 పైన నిలదోక్కుకుంటేనే మరింత ర్యాలీ జరగడానికి అవకాశం కలదు. ఒక వేళ మార్కెట్ లో ప్రాఫిట్ బుకింగ్  వచ్చినా  పై చార్ట్ లో చూపించిన ట్రెండ్ లైన్ లేదా 5440 వరకు రావడానికి అవకాశం కలదు. నిఫ్టీ 5440 పైన ఉన్నంత వరకు లాంగ్ పొజిషన్స్ కి ఎలాంటి ఇబ్బంది లేదు.  సపోర్ట్ 5585, 5550 రెసిస్టన్స్  5648. ఖచ్చితమైన  మార్కెట్ అనాలసిస్ కొరకు ఈ బ్లాగ్  రెగ్యులర్ గా ఫాలో అవండి.

భారతీయులు ధనవంతులా లేక పేదవారా ?

భారతీయులు ధనవంతులా లేక పేదవారా ?

ఎవరూ చెప్పారూ మీకు భారతదేశం పేద దేశం అని. భారత దేశం అభివృద్ధి చెందుతున్న దేశం.భారతదేశంలో  అత్యధికులు పేదవారే అనడంలో కూడా ఎటువంటి  సందేహం లేదు. అంత మాత్రాన  భారతీయులలో ధనవంతులే లేరు అంటారా? ప్రతి సంవత్సరం ఫోర్బ్స్ జాబితా పరిశీలించండి.ప్రతిసారి కనీసం  ఇరవై మంది పైననే బిలియనీర్లు  ఈ జాబితాలో ఉంటారు.ఈ జాబితాలో ఉన్న వాళ్ళు బిలియనీర్లు ఐనంతా మాత్రానా భారతదేశం ధనిక దేశం అవుతుందా ? దేశంలో  బిలియన్ పైన జనాభా ఉంది. మరి వారందరి పరిస్తితి ఏమిటి.? అది సరే ఇప్పుడు ఒక్క విషయం తెలుసుకోండి. భారతదేశం బంగారం వినియోగంలో ప్రపంచంలో ముందుంటుంది అనే విషయం మీ అందరికి తెలుసు .భారాతీయులు ప్రతి సంవత్సరం కొన్ని టన్నులకొద్దీ బంగారం కనుగోలు చేస్తారు..భారతీయుల వద్ద కనీసం 20,000టన్నుల బంగారం ఉంది అని ఒక అంచనా .దానిలో   95%  బంగారం ప్రజల వద్దనే ఉంది. భారత ప్రభుత్వం వద్ద కేవలం  5% మాత్రమే ఉంది.అదే అమెరికా లాంటి దేశంలో ఐతే ప్రజలవద్ద 5% ఉంటే ప్రభుత్వం  వద్ద 95%  బంగారం ఉంటుంది.భారతీయులకు కొన్ని వందల సంవత్సరాల నుండి  బంగారం చాల విలువైన లోహం అని తెలుసు. అందువలనే భారతీయులు బంగారం అధికంగా కూడబెడతారు. ఒకవేళ భారత దేశ ప్రజలందరి వద్ద ఉన్న  95%  బంగారం ను అమ్మివేస్తె అమెరికా దేశంలో గల న్యూయార్క్ లాంటి నగరానికంటే  మూడు ,నాలుగింతల  పెద్దదైన  నగరాన్ని కనుగోలు చేయవచ్చు. ఇప్పుడు చెప్పండి భారతదేశం పేదదేశమా ?భారతీయులలో చాలా మంది దారిద్ర్యరేఖ కంటే క్రింద  ఉన్నారూ అనడంలో ఎలాంటి సందేహం లేదు. అంత మాత్రానా భారతీయులు అందరూ పేదవారూ మాత్రం కాదు. దానికి ముఖ్య కారణం మన వారికి బంగారం పై ఉన్న మక్కువే.

స్టాక్ మార్కెట్ ఇంకా ఎంత వరకు పరిగెత్తగలదు.

స్టాక్ మార్కెట్ ఇంకా ఎంత వరకు పరిగెత్తగలదు.

ఈవారం స్టాక్ మార్కెట్17-09-2012to21-09-2012

గత వారం ఫెడరల్  బ్యాంక్ , ఈసిబి  మీటింగ్ , జర్మనీ కోర్టు తీర్పు మరియు కేంద్ర ప్రభుత్వం సంస్కరణలకు తెరదీస్తూ  డీజిల్   ధరలు పెంచడం మొదలగు కారణాల వలన మార్కెట్ లో ర్యాలీ రావడం జరిగినది.అదే విధంగా శుక్రవారం సాయంత్రం  విదేశీ నిధులను రిటైల్ రంగంలోకి అనువదిస్తూ ప్రభుత్వం నిర్ణయం తీసుకోవడం  వలన మార్కెట్ ఈ రోజు కూడా గ్యాప్ అప్ లోనే ప్రారంభం జరుగును.  అదే విధంగా  ఈ రోజు రిజర్వు బ్యాంక్ తన పరపతి సమీక్షలో వడ్డీ రేట్లు కనుక తగ్గిస్తే ప్రస్తుతం కొనసాగుతున్న ర్యాలీకి మరింత సానుకూల  అవకాశం దొరికినట్టు అవుతుంది.ఒకవేళ రిజర్వు బ్యాంక్ తన పరపతి సమీక్షలో కనుక ప్రతికూల నిర్ణయం తీసుకుంటే మాత్రం పై లెవల్లో లాభాల స్వీకరణకు అవకాశం కలదు. సానుకూల నిర్ణయం వేలువడటానికే  అధిక అవకాశం మాత్రం కలదు.  మీరు కనుక  రెగ్యులర్ గా ఈ బ్లాగ్ ఫాలో అవుతున్నట్టు ఐతే మీకు ఇదివరకే చాలా సార్లు చార్ట్స్ ద్వారా తెలియచేయడం  జరిగినది. నిఫ్టీ 5190-5200  కంటే క్రిందికి దిగాజారనంత వరకు మీ లాంగ్ పోజిషన్  కు ఎలాంటి ఇబ్బంది లేదు , 5190-5200  స్టాప్ లాస్ తో లాంగ్ పొజిషన్స్ కొనసాగించవచ్చు  అని తెలియచేయడం జరిగినది. అదే విధంగా నిఫ్టీ లాంగ్ సైడ్ టార్గెట్ 5520 అని కూడా మీకు తెలియచేయడం జరిగినది. ఇంకా వివరాల కోసం గత పోస్టులను చదవవచ్చు.  అదే విధంగా ఇప్పుడు మార్కెట్ కి అనుకూలమైన వార్తలు వెలువడుతున్నందున  మార్కెట్ ఇంకా ఎంత వరకు పరిగెత్తగలదు అని చాలా మంది అడుగుతున్నారు. మీకు మార్కెట్ లో నిఫ్టీ  తక్షణ ర్యాలీ  5648 వరకు చేరుకోగలదు.ఇది ఫిబోనస్సీ గోల్డెన్ రేషియో . ఒకవేళ  నిఫ్టీ  5648 పైన నిలదోక్కుకున్నట్టు ఐతే  ర్యాలీ 5850 ,5910, 5950 వరకు కూడా కొనసాగగలదు.. నిఫ్టీ 5435 పైన ఉన్నంత వరకు ఈ ర్యాలీ కొనసాగడానికి అధిక అవకాశం కలదు. ఏది ఎమైనప్పటికి నిఫ్టీ ఇంకా కనీసం రెండు వందల పాయింట్లు ర్యాలీ జరపడానికి అవకాశం మాత్రం కలదు. అయినప్పటికీ మీ లాంగ్ పొజిషన్స్ కి  5435 స్టాప్ లాస్ ఉపయోగించండి.  ఒకవేళ ఏమైన మార్పులు చేర్పులు ఉంటే మీకు వెంటవెంటనే తెలియచేయడం జరుగుతుంది.

ముఖ్య గమనిక :మీరు  స్టాక్ మార్కెట్ టెక్నికల్ అనాలసిస్ లో ఏదైనా ఒక పద్ధతి  ఎంచుకొని దానినే స్థిరంగా  మీరు ఫాలో అయితే స్టాక్ మార్కెట్ లో మీరు డబ్బులు సంపాదించు కోవడం చాలా సులభం. దాని కోసం ముందుగా మీకు కావలసినది స్టాక్ మార్కెట్ పై అవగాహన .ఒక్క విషయం తప్పకుండా గుర్తుంచుకోండి. లెర్నింగ్ చేస్తేనే ఎర్నింగ్ సాధ్యం అవుతుంది.  http://telugufinancialschool.blogspot.in/2012_09_01_archive.html

ఆర్ధికంగా ఎదాగాలి డబ్బు సంపాదించాలి అంటే ఎమి చేయాలి part 3

ఆర్ధికంగా ఎదాగాలి డబ్బు సంపాదించాలి అంటే ఎమి చేయాలి    part 3

ప్రస్తుతం మీ వయస్సు ముప్పై సంవత్సరాలు అనుకుంటే మీరు అరవై సంవత్సరాలకు రిటైర్మెంట్ అవుతారు అనుకుంటే మీరు తక్షణం బయట తాగే టీ ఒక్కటే మానేస్తే ఎంత మిగులుతుందో చూద్దాం. టీ ఒక్కటి ఖరీదు  ఐదు రూపాయలు అనుకున్న  నెలకు  నూట యాభై రూపాయలు మిగులుతుంది. ఈ డబ్బును ప్రతి నెల ఎనిమిది శాతం వడ్డీ వచ్చేలా కనీసం బ్యాంక్ లో రికరింగ్ డిపాజిట్ పథకంలో  మీ  రిటైర్మెంట్ వరకు ఎంత అవుతుందో తెలుసా !    Rs 222639 అవుతుంది . నిజమే ఇది క్రమం తప్పకుండా పొదుపు చేయడం వలన సాధ్యం అవుతుంది.మీరు కేవలం టీ మానివేయడం వల్ల వచ్చిన మొత్తం . ఇంతకంటే పెద్ద పెద్ద అనవసరమైన ఖర్చులు మానేస్తే ఎంత మొత్తం మిగులుతుందో చూద్దాం .  

రోజుకి ఒక సిగరేటు ప్యాకెట్ ఖరీదు Rs  50

నెలకు       Rs 1500 

ఈ డబ్బును మీరు ప్రతి నెల క్రమం తప్పకుండా బ్యాంక్ లో రికరింగ్ డిపాజిట్ పథకంలో డిపాజిట్ చేస్తే, వడ్డీ ఎనిమిది  శాతం వస్తుంది అనుకుంటే మీ రిటైర్మెంట్ నాటికి  మీకు చేతికి వచ్చే మొత్తం Rs 2226392.

 ఒక వేళ మీరు దీనిని ఏదైనా మ్యుచవల్ ఫండ్ పథకంలో సిప్ పద్ధతి ద్వారా పెట్టుబడిగా  క్రమం తప్పకుండా ప్రతి నెల మీరు సిగరెట్ మానేయడం వలన  అదా చేసిన Rs 1500    లను మీ రిటైర్మెంట్  వరకు కొనసాగించినచో  ఎంత వస్తుందో చూద్దాం . స్టాక్ మార్కెట్ దీర్ఘకాలంలో మంచి ఫలితాలు ఇస్తుంది అనే విషయం మీ అందరికి తెలిసిన విషయమే కదా !స్టాక్ మార్కెట్ సాలీనా   సుమారు  18 % వృద్ది కనబరుస్తుంది . మనం ఇక్కడ మరీ అత్యాశకి పోకుండా  కేవలం  12%  మాత్రమే  వృద్ది సాధిస్తుంది అనుకుంటే మీరు సిప్ పద్ధతి లో  Rs 1500  పెట్టుబడిగా  మీ రిటైర్మెంట్   సమయానికి మీరు అందుకొనే డబ్బూ Rs 4578019 . అవును అక్షరాల ఇది మూమ్మటికి  నిజం .

అదే విధంగా ఒక కుటుంబం ఈ రోజుల్లో ఒక సినిమాకు వెళ్తే ఎంత లేదన్న కనీసంరెండు వందల రూపాయలు అవుతుంది.ఈ రెండు వందలను కూడా   క్రమం తప్పకుండా బ్యాంక్ లో రికరింగ్ డిపాజిట్ పథకంలో డిపాజిట్ చేస్తే, వడ్డీ ఎనిమిది  శాతం వస్తుంది అనుకుంటే మీ రిటైర్మెంట్ నాటికి  మీకు చేతికి వచ్చే మొత్తం  Rs .296852 ఈ రెండు వందలను బ్యాంక్ లో కాకుండా  సిప్ పద్ధతి ద్వారా క్రమం తప్పకుండా మ్యుచవల్ ఫండ్ పథకంలో ఇన్వెస్ట్ చేస్తే  మీ రిటైర్మెంట్ నాటికి  మీకు చేతికి వచ్చే మొత్తం    Rs 610402  . అదే విధంగా కొంత మంది అదే పనిగా షాపింగ్ కి తిరగడం  అవసరం లేకున్న దుస్తులు కొనడం చేస్తుంటారు. మీరు ఖర్చు చేస్తున్నప్పుడు చాలా  చిన్నమొత్తం డబ్బే కదా అనుకుంటారు . కాని, ఈ చిన్న మొత్తమే కొన్ని సంవత్సరాల తర్వాత ఎంత  పెద్ద మొత్తం  అవుతుందో తెలియచేయాడమే నా ఉద్దేశం.  ఇక్కడ నేను మీ కోరికలు చంపు కోమని చెప్పడం కాదు నా  ఉద్దేశం .కొన్ని అనవసరమైన  ఖర్చులను  తగ్గించుకోని దానిని సరియైన పద్దతిలో ఇన్వెస్ట్ చేస్తే ఎలాంటి లాభం కలుగుతుందో మీకు తెలియచేయడమే నా ఉద్దేశం  . ముందు మీకు కావలసినది అవగాహన    . అవగాహన  ఉంటే ఆలోచన అదే వస్తుంది. ఆ మంచి ఆలోచనతో పొదుపు చేయడం ప్రారంభించండి. చేసిన పొదుపును  మంచి ఇన్వెస్ట్మెంట్ సాధనాలలో ఇన్వెస్ట్ చేయండి. మన దేశంలో ప్రజలు   సంప్రాదాయ పథకాలో  పొదుపు చేస్తున్నారే తప్ప ఇన్వెస్ట్మెంట్ సాధనాల వైపు చూడలేకపోతున్నారు. దీనికి ముఖ్య కారణం ఆర్ధిక అంశాల పట్ల సరియైన అవగాహన లేకపోవడమే.

ముఖ్య గమనిక :మీరు స్టాక్ మార్కెట్   టెక్నికల్ అనాలసిస్ లో ఏదైనా ఒక పద్ధతి  ఎంచుకొని దానినే స్థిరంగా  మీరు ఫాలో అయితే స్టాక్ మార్కెట్ లో మీరు డబ్బులు సంపాదించు కోవడం చాలా సులభం. దాని కోసం ముందుగా మీకు కావలసినది స్టాక్ మార్కెట్ పై అవగాహన .ఒక్క విషయం తప్పకుండా గుర్తుంచుకోండి. లెర్నింగ్ చేస్తేనే ఎర్నింగ్ సాధ్యం అవుతుంది.  http://telugufinancialschool.blogspot.in/2012_09_01_archive.html

ఆర్ధికంగా ఎదాగాలి డబ్బు సంపాదించాలి అంటే ఏమి చేయాలి part 2

ఆర్ధికంగా ఎదాగాలి డబ్బు సంపాదించాలి అంటే ఏమి చేయాలి    part 2

బ్యాంక్స్ తర్వాత అధిక శాతం మందికి నమ్మకమైనది భీమా . జీవిత భీమా పైననే అధిక  శాతం  నమ్మకాన్ని కలిగి ఉంటున్నారు.ఈ విషయం లో క్రెడిట్ అంతా కూడా భారత జీవిత బీమా సంస్థ కే   చెందుతుంది. తాను మరణించినప్పుడు కుటుంబానికి ఆర్ధిక రక్షణ కల్పించేందుకే  బీమాను  చాలా మంది ఎన్నుకుంటున్నారు.బీమాను పెట్టుబడి సాదనంగా చూస్తున్నవారు కూడా చాలా తక్కువ . ఒకవేళ భీమా   సంస్థలో పెట్టుబడి పెట్టిన కూడా అది కేవలం టాక్స్ మినహాయింపుల కోసమే చేస్తున్నారు తప్పు  అది నిజమైన పెట్టుబడి కాదు.

బ్యాంకులపై ప్రజలకు చాలా నమ్మకం ఉంది.చాలా మంది బ్యాంక్ లో పెట్టుబడులకు డోకా ఉండదు అనే భావనతోనే చాలా మంది ఉన్నారు. జాతీయ బ్యాంకు లలో ని మొత్తం డిపాజిట్లకు ప్రభుత్వం గ్యారంటీ ఇస్తుంది అని నమ్మే వారు చాలా ఎక్కువ . కాని ఇది తప్పు . ప్రభుత్వం ఎలాంటి గ్యారంటీ ఇవ్వదు . ఏ బ్యాంక్ డిపాజిట్లకు ఐనా డిపాజిట్ ఇన్సురెన్స్ కార్పోరేషనే   భీమా రక్షణ కల్పిస్తుంది. ఆది  కూడా  కేవలం లక్ష రూపాయల వరకే పరిమితం అనే విషయం గుర్తుంచుకోవాలి.

రిటైర్మెంట్ తర్వాత ఎలాంటి ఒడిదుడుకులు లేని జీవనాన్ని కొనసాగించేందుకు ఏర్పాట్లు చేసుకోవడంలో చాలా మంది నిర్లక్ష్యం వహిస్తారు.చాలా మంది   రిటైర్మెంట్ తర్వాత తమ పిల్లలు వారి భాద్యత తీసుకుంటారు అనే భావనతోనే ఉంటున్నారు తప్ప వారి జీవితానికి ఎలాంటి ప్రణాళిక ఏర్పాటు చేసుకోవడం లేదు.

ఇక చాలా మంది కి పెట్టుబడులపై ఎలాంటి అవగాహనా ఉండటం లేదు. పెట్టుబడుల విషయంలో ఎవరి సలహాలు , సూచనలు లేకుండా నిర్ణయాలు తీసుకొనే వారు కొందరైతే , స్నేహితులు , ఏజెంట్ల వల్ల కొంత మంది నిర్ణయాలు తీసుకుంటూన్నారు. మీరు మీ పెట్టుబడుల పై తప్పనిసరిగా మీ ఫై నాన్సియాల్ ప్లానర్ లేదా ఆర్ధిక నిపుణులను ను సంప్రదించడం  చాలా మంచిది.  

మీకు పొదుపు చేయాలి  అని ఉంది . అదే విధంగా దాని ప్రాధాన్యం కూడా మీకు తెలుసు . భవిష్యత్తును బాగు చేసుకోవాలన్న ఆలోచన ఉంది .అదే విధంగా ఆర్ధిక లక్ష్యం కూడా   ఉంది.కాని వచ్చిన చిక్కల్లా వచ్చే  నెలా  జీతం మీదనే .వచ్చే జీతం మొత్తం నెల వారి ఇంటి ఖర్చులకే పూర్తిగా సరిపోవడం లేదు . ఇక పొదుపు చేయడానికి మా దగ్గర ఏం  మిగులుతుంది  అనే వారే చాలా ఎక్కువ . ఈ పొదుపుగిదిపు  అనేది లక్షలు  సంపాదించే వారికి కాని మాలాంటి వారికి ఎందుకు అనుకునే వారు కూడా చాలా మంది ఉన్నారు.  బిందువు , బిందువు కలిస్తేనే  సింధువు అన్నట్టుగా కాస్తంత పొదుపు వల్ల ఎంతో ప్రయోజనం .   పెద్ద ఉద్యోగాలు , భారీ ఆదాయం ఉంటే ఎవరైనా పొదుపు చేయవచ్చన్న మాట ఎంత నిజమో , మిగులు ఆదాయం లేకపోయినంత మాత్రాన పొదుపు అసాధ్యం మాత్రం కాదు. పొదుపు చేయాలన్న దృడ సంకల్పం ఉంటే చాలు అనేక మార్గాలు కన్పిస్తాయి. మనసుంటే మార్గం ఉంటుంది అనే విధంగా.  మీరు పొదుపు చేయాలి అంటే ముందు మీరు మీ ఆదాయ వ్యయాల వివరాలతో బడ్జెట్ తయారుచేసుకోండి.  దాని వల్ల మీరు ఆదాయాన్ని  పెంచుకోలేకపోయిన కనీసం ఎలాంటి ఖర్చులు తగ్గించుకోవచ్చో, ఎలాంటి వృదా ఖర్చులు చేస్తున్నారో తెలుస్తుంది.   వృదా ఖర్చులు పూర్తిగా అరికట్టడం , ఖర్చులు తగ్గించుకోవడం అనేది మీ చేతిలోని పని .అవసరమైన ఖర్చుల్లో కొంత మిగులు సాధించటం , అనవసర ఖర్చులు పూర్తిగా తగ్గించటం . అవసరమైన ఖర్చులు అంటే కాఫీ , టీ, సినిమాలు , బట్టలు  ఈ కోవలోకి వస్తాయి. మీ కోరికలను కొద్దిగా అదుపులో పెట్టుకుంటే చాలు దానితో పొదుపు చేయవచ్చు.ఇక అనవసరమైన  ఖర్చులు . మీరు మీ బడ్జెట్ ను పరిశీలిస్తే దాని వలన తక్షణావసరాలు , తప్పించుకొనే లేదా వాయిదా వేసుకొనే  ఖర్చులు  సులభంగా గుర్తించవచ్చు.కనీసం కొన్ని ఐనా అనవసరపు ఖర్చులు తేలుతాయి.సిగరెట్ , వక్కపొడి, పాన్ మసాలా  ,మందు లాంటి వ్యసనాలు వీటిలో తప్పకుండా కన్పిస్తాయి.వీటి వల్ల ఎలాంటి ఉపయోగం లేకపోగా అనవసరపు ఖర్చు , అనారోగ్యం  దానితో వైద్యానికి ఖర్చులు.   వీటిని కనుక మీరు మానేయగలిగితే ఎంతో సొమ్మూ మిగులుతుంది ఆరోగ్యమూ బాగుపడుతుంది. కొన్ని సంవత్సరాలనుండి  ఉన్న అలవాట్లు మానుకోవాలి అంటే కొంచెం కష్టమే కాని , ప్రయత్నిస్తే , పొదుపు చేయాలి అనే ఆలోచన కూడా ఉంటే తప్పకుండా సాధ్యం అవుతుంది.కనీసం మీ వినియోగాన్ని సగానికి సగం తగ్గించి దానిని పొదుపు చేసిన చాలు.  మీరు ఇప్పుడు భావిస్తున్న చిన్న మొత్తమే కదా అని భావిస్తున్న ఈ డబ్బూ సక్రమ పద్దతిలో పొదుపు చేస్తే మీకు వచ్చే రాబడి ఎంతో చూస్తే మీరు నమ్మలేరు.ఈ డబ్బూ మీ భవిష్యత్తు అవసరాలకు అనుగుణంగా  అండగా    నిలుస్తుంది.