షేర్స్ ఏ విధంగా కొనాలి?

షేర్స్ ఏ  విధంగా  కొనాలి?

షేర్స్ ని మనం రెండు మార్గాల్లో  కొనవచ్చు. మొదటి మార్గం ప్రైమరీ మార్కెట్  , రెండవది సెకండరీ మార్కెట్ , ప్రైమరీ మార్కెట్ లో మీరు  షేర్స్ కంపెనీ పబ్లిక్ ఇష్యూ కి   వచ్చినప్పుడే కొనటానికి అవకాశం ఉంటుంది.

 ప్రైమరీ మార్కెట్

 IPO (Initial Public Offerings ,IPO’s) ప్రజలకు  తొలిసారిగా షేర్లు   అమ్మడాన్ని IPO’s అంటారు. ఇది ప్రైమరి మార్కెట్ లో  జరుగుతుంది. ఎవరైన ఈ  తొలి వాటా లను కొనుగోలు  చేయాలి .అంటే  ఈ IPO’s ద్వారా కంపెనీ నిబంధనల  ప్రకారం  దరఖాస్తు  చేయాలి. మన దరఖాస్తును పరిశీలించిన అనంతరం వారికి వాటాలను కేటాయించడం  జరుగుతుంది..వాటాల కేటాయింపు అనంతరం  కంపెనీ ని స్టాకు ఎక్సేంజ్ లో  నమోదు చేయడం జరుగుతుంది..ప్రైమరీ మార్కెట్లో మీరు షేర్స్ కొనటానికి సిద్దపడినా  మనకు కచ్చితంగా షేర్లు వస్తాయని , కావాల్సినన్ని  దక్కుతాయని హామీ లేదు. ఎందుకంటే వారు జారీ చేసే వాటలకంటే ఎక్కువ మంది ఉంటె  వాటిని దరఖాస్తు చేసిన  అందరికి ఒక నిష్పత్తి లో జారి చేస్తారు. వాటాల జారీ అనంతరం ఇవి స్టాకు ఎక్సేంజ్  నందు లిస్టు అవుతాయి.పైగా పరిమిత కాలానికే ఈ మార్కెట్ అందుబాటులో ఉంటుంది. ప్రతి పబ్లిక్ ఇష్యూలోను   25 శాతం వాటాలను చిన్న వాటాదారులకు కేటాయిస్తారు. రెండు లక్షల  రూపాయలకంటే తక్కువ విలువైన షేర్లకు దరఖాస్తు  చేసుకునే వారిని చిన్న ఇన్వెస్టర్లు గా పరిగనిస్తారు. ప్రైమరీ మార్కెట్ నందు మీకు రిస్కు తక్కువగా ఉంటుంది.

ఒక కంపనీ ప్రైమరీ మార్కెట్లో వాటాదారులకు  ఎ ధరకు  ఇవ్వడానికి నిర్ణయం తీసుకుంటుందో దానిని ఇష్యూ ప్రైస్  అని పిలుస్తారు. ఈ కంపనీ షేర్ స్టాకు ఎక్సేంజ్ లో   లిస్టు ఐనప్పుడు  అ ప్రైస్ ఇష్యూ ప్రైస్  కంటే ఎక్కువగాను , తక్కువగాను ఉండవచ్చు.ఎక్కువగా ఉంటె మీకు లాభం తక్కువగా ఉంటె మీకు నష్టం రాగలదు. ఈ మధ్యన  IPO  వచ్చిన కోల్ ఇండియా తీసుకొంటే దాని  ఇష్యూ ప్రైస్  Rs. 245  ఐతే  అది లిస్టు ఐన రోజు క్లోజ్ ప్రైస్ Rs. 342  అనగా మీకు   సుమారు 39% లాభం .

ఇక మీ అందరికి గుర్తుండే ఉంటుంది.రిలయన్స్ పవర్ షేర్ల గురుంచి దాని  ఇష్యూ ప్రైస్  Rs 450 ఐతే  అది లిస్టు ఐన రోజు క్లోజ్ ప్రైస్  Rs 372.50 అనగా ఆ షేర్ మీద మీకు నష్టం 17%.మీరు లిస్టు ఐన రోజు హై లేదా లో ప్రైస్ నందు ఎవ్వరు అమ్మలేరు కావున క్లోజ్ ప్రైస్ తీసుకోవడం జరిగినది. ఇక్కడ మీరు గమనించడం జరిగినది  ఏమిటంటే అన్ని IPO లు కూడా లాభ సాటి కావు. కావున మీరు   IPO  కు  అప్లై  చేసేముందు కంపెనీ గురుంచి అన్ని వివరాలు తెలుసుకోవాలి. దీని గురుంచి  మనం తర్వాత వివరంగా తెలుసుకొందాం.

స్టాక్ మార్కెట్ లో PMS అంటే ఏమిటి ?

స్టాక్ మార్కెట్  లో  PMS  అంటే ఏమిటి ?

PMS అంటే ఫోర్ట్ ఫోలోయో మేనేజ్మెంట్  సర్వీస్ .సాదారణంగా చాలా మంది ఇన్వెస్టర్స్ స్టాక్  మార్కెట్ పై పూర్తీ అవగాహన లేకుండా  ప్రవేశించి  వారి వద్ద ఉన్న కాపిటల్ పూర్తీగా నష్టపోతుంటారు. కొంత మందికి అవగాహన ఉన్న పూర్తీ సమయం కేటాయించలేకపోవచ్చు. స్టాక్ మార్కెట్ లో అనుక్షణం అప్రమత్తత , అవగాహన తప్పనిసరి. స్టాక్ మార్కెట్ నిన్న ఉంది, నేడు ఉంటుంది, రేపు కూడా ఉంటుంది. కాని ఒక్కసారి మీ వద్ద ఉన్న కాపిటల్  నష్టం  జరిగితే  ఇక మీరు  స్టాక్ మార్కెట్ లో ఏమి చేయలేరు.ఈ PMS సర్వీస్ లో మేము మీ ట్రేడింగ్ అకౌంట్ లో ట్రేడ్ చేసి వచ్చిన లాభాలలో వాటా తీసుకుంటాం.ఐతే దీనికి మీరు చేస్తున్న ఇన్వెస్ట్మెంట్ లో  కనీసం పదిహేను శాతం కాపిటల్ రిస్కు తీసుకోవడానికి  మాత్రం తప్పనిసరిగా సిద్దంగా ఉండాలి.  ఇన్వెస్ట్మెంట్ అంటే నే రిస్కు . రిస్కు లేకుండా లాభాలు ఆశించడం  ఎంత మాత్రం సాధ్యం కాదు. స్టాక్ మార్కెట్ లో రిస్కు అనేది అన్ని వేళలా ఉంటుంది. రిస్కు తీసుకొనే స్వభావం మీకు లేకపోతే మీరు స్టాక్ మార్కెట్ వైపే కాదు ఏ ఇన్వెస్ట్మెంట్ సాధనం వైపు చూడవద్దు. ఒకవేళ  మేము అందించే ఈ PMS సర్వీస్ లో మేము  మీ కాపిటల్  పై కేవలం పదిహేను శాతం మాత్రమే రిస్కు తీసుకుంటాం.ఒకవేళ  మీ కాపిటల్ లో పది హేను శాతం నష్టం సంభవిస్తే మీరు మా సర్వీసు ను ఉపసంహరించుకోవచ్చు.మేము  మీ వద్ద  లాభాలలో వాటా తీసుకుంటున్నాం కాబట్టి  ముందుగా మీ కాపిటల్ ప్రొటక్షన్ కి అధికంగా ప్రాముఖ్యత  ఇవ్వడం జరుగుతుంది. మేము మీ అకౌంట్ లో ట్రేడింగ్ చేయడానికి  మీరు మాకు అనుమతి ఇస్తూ తప్పనిసరిగా అథరైజేషణ్ ఇవ్వవలసి ఉంటుంది. మీ అకౌంట్ లో వచ్చే లాభాలు ముందుగా మీ బ్యాంక్ ఖాతాలోకి  వచ్చినా పిదప మీరు మా వాటా మా బ్యాంక్ ఖాతాలోకి  జమ చేయవలసి ఉంటుంది. మీరు చేసే ఇన్వెస్ట్మెంట్ పై మార్కెట్ పరిస్థితులకు అనుగుణంగా ప్రతి నెల 10% నుండి   40% వరకు లాభాలు అందుకోవడానికి అవకాశం ఉంటుంది. మార్కెట్  పెరగడం , పడిపోవటంతో  సంభందం లేదు. ఎందుకంటె మేము మార్కెట్ ట్రెండ్ ఎలా ఉంటే అదే విధంగా మా ట్రేడింగ్ ఉంటుంది. అంటే పెరుగుతున్నప్పుడు లాంగ్ , పడిపోతున్నప్పుడు షార్ట్ పొజిషన్ తీసుకోవడం జరుగుతుంది.  ఈ PMS సర్వీసు పూర్తీ పారదర్శకత తో ఉంటుంది. మీ అకౌంట్ వివరాలు ఏ రోజు కి ఆరోజు చూసుకోవచ్చు. మిగితా వివరాలకోసం telugufinancialschool@gmail.com సంప్రదించండి.

ఈ వారం స్టాక్ మార్కెట్ 17-12-2012 to 21-12-2012

ఈ వారం స్టాక్ మార్కెట్ 17-12-2012 to 21-12-2012

 

 గత వారం కూడా మార్కెట్  లో  కన్సోలిదేషన్ జరగటం జరిగినది.కాకపోతే మార్కెట్ కి సానుకూల  పరిమాణం ఏమిటంటే నిఫ్టీ  5825 పైన  ఉండటమే. నిఫ్టీ 50hsma ఐనటువంటి  5900కంటే క్రింద ట్రేడ్ కావడం జరుగుతుంది. ఈ రోజు నిఫ్టీ  50hsma పైన నిలదొక్కు కోవడానికి అధిక అవకాశం కలదు.నిఫ్టీ గత కొద్ది రోజులుగా 5950-5980 మరియు  5820-40 మధ్య ఎక్కువగా చలించడం జరుగుతుంది. గత వారం కూడా నిఫ్టీ 5965 వరకు చేరుకోవడం అక్కడి నుండి క్రిందకు దిగజారడం జరిగినది.10-12 ట్రేడింగ్ షెషన్స్ కన్సోలిదేషన్ జరగటం ,తర్వాత 3-4  షెషన్స్ నిఫ్టీ 200 పాయింట్లు పెరగటం చాలా సాదారణంగా జరుగుతుంది.ఒకవేళ ఈ వారంలో కనుక 5950-5980పైన  నిలదోక్కుకోనట్టు ఐతే  కొద్ది కరెక్షన్ రావడానికి అవకాశం కూడా కలదు. కరెక్షన్ కూడా 5715వరకే పరిమితం కాగలదు. 5715 వద్ద  బలమైన సపోర్ట్ ఉంది అనే విషయం మర్చిపోవద్దు. నిఫ్టీ ఒక రెంజీ లో మాత్రమే కదలాడుతున్నది కావున పై లెవల్లో సెల్ చేయడం , క్రింది లెవల్లో బై చేయడం చాలా మంచిది. 5820-40 బ్రేక్ కానప్పటివరకు తగిన స్టాప్ లాస్ తో బై చేయడం మంచిది.  అదే విధంగా పై లెవల్లో  రెసిస్టన్స్ బ్రేక్ కానప్పటివరకు తగిన స్టాప్ లాస్ తో సెల్ చేయడం చాలా మంచిది. రెసిస్టన్స్ 5900, 5925, 5965 సపోర్ట్ 5840-20, 5770

పాత చెక్కుల చెల్లుబాటు గడువు తేదీ పొడగింపు.

పాత చెక్కుల చెల్లుబాటు గడువు తేదీ పొడగింపు.

మీరూ ఇది వరకూ మీ వద్దగల బ్యాంక్స్ చెక్స్ 01-01-2013 నుండి చెల్లు బాటు కావు అనే విషయం గురించి తెలుసుకొనే ఉన్నారు. పూర్తీ వివరాలకొరకు క్రింది లింక్ క్లిక్ చేయండి

http://telugufinancialschool.blogspot.in/2012_11_28_archive.html

చాలా మంది గడువు సమీపిస్తున్నప్పటికి కూడా బ్యాంక్స్ నుండి కొత్త చెక్స్ తీసుకోనందున ఈ గడువు తేదీని 31-03-2013  వరకు రిజర్వు బ్యాంక్ పొడగించడం జరిగినది. కావున ఆ లోపు మీరందరూ కొత్త చెక్స్ తీసుకొనే ప్రయత్నం చేయండి. లేదంటే తర్వాత చాలా ఇబ్బందుల పాలు కావాల్సి ఉంటుంది.  

ఈ రోజు స్టాక్ మార్కెట్ 14-12-2012

ఈ రోజు స్టాక్ మార్కెట్ 14-12-2012

ఈ రోజు 11 am కి ఇన్ఫ్లేషన్ డేటా రాబోతుంది. మార్కెట్ వర్గాలు అంచనా వేస్తున్నది  7.6. అంచనా వేసినవిధంగా వస్తే మార్కెట్ సానుకూలంగా లేదంటే ప్రతికూలంగా స్పందించగలదు.కాకపోతే మరో విషయం నిఫ్టీ 5840 వద్ద డబుల్ బాటం ఏర్పాటు కావడం జరిగినది. మీకూ గుర్తుండే ఉంటుంది 5548 వద్ద ఇదివరకి  డబుల్  బాటం పాటర్న్ ఏర్పాటు జరిగిన తర్వాత 400 పాయింట్ల ర్యాలీ నిఫ్టీలో  రావడం జరిగినది. ఒకవేళ రాబోయే మూడు రోజుల్లో ఈ డబుల్ బాటం సపోర్ట్ కాని బ్రేక్ జరగకపోతే మరోసారి నిఫ్టీ లో ర్యాలీ రావడానికి అధిక అవకాశం కలదు. ఏది ఏమైనా 5825 క్లోసింగ్ బేసిస్ గా  బ్రేక్  కానంతవరకు ప్రతి డిప్ లో బై చేయడం మంచిది.       

కొత్త ఫిఫ్ రూల్

కొత్త ఫిఫ్ రూల్

 Employee’s provident fund organization (EPFO)  కొత్త రూల్ ప్రకారం ఉద్యోగుల భవిష్యనిధిలో  జమ చేసే మొత్తం పెరగడం వలన చేతికి వచ్చే జీతం తగ్గుతుంది.ఇంతకు ముందు ఫిఫ్ ఉద్యోగుల మూల వేతనం పై  మాత్రమే  లెక్కించి  భవిస్యనిధికి జమ చేసేవారూ. ఎలాంటి అలవెన్స్ లను లెక్కలోకి తీసుకోలేదు. కాని ప్రస్తుత రూల్ ప్రకారం ఫిఫ్ లెక్కించడానికి మూలవేతనం తో పాటు ఇతర అలవెన్స్ లు  కలిపి లెక్కించి ఆ మొత్తంలో నుండి 12% ఫిఫ్ క్రింద జమచేయడం జరుగుతుంది. ఐతే అలవెన్స్ లలో మొత్తం అలవెన్స్ లు పరిగణలోకి తీసుకుంటారా లేక ఏ ఏ అలవెన్స్ లను పరిగణలోకి తీసుకుంటారు అనే విషయం పై స్ప్రస్టత రావలసి ఉంది.  ఈ రూల్ ప్రకారం ఉద్యోగి మరియు యజమాని భవిష్యనిధిలో  జమ చేసే మొత్తం పెరుగుతుంది.కాని ఉద్యోగి చేతికి వచ్చే జీతం మాత్రం తగ్గుతుంది. 

బ్యాంక్స్ ఖాతాలు ఓపెన్ చేయడం ఇప్పుడు చాలా సులభం.

బ్యాంక్స్ ఖాతాలు ఓపెన్ చేయడం ఇప్పుడు చాలా సులభం.

ప్రస్తుతం RBI నిబంధనల ప్రకారం బ్యాంక్ లో ఖాతా ప్రారంభం చేయడం చాలా సులభం. ఇది వరకు ఖాతా ప్రారంభం చేయడానికి గుర్తింపు కార్డు, అడ్రస్ ప్రూఫ్ , ఇంట్రడక్షన్ సంతకం తప్పనిసరిగా కావలసి వచ్చేది. ఇప్పుడు  RBI  ఇంట్రడక్షన్ సంతకం నిభందనను  తీసివేయడం జరిగినది.కావున ఖాతా ప్రారంభం చేయడం చాలా సులభం .అంతే కాకుండా  కొన్ని డాక్యుమెంట్స్  ను   గుర్తింపు కార్డు, అడ్రస్ ప్రూఫ్ గా కూడా తప్పనిసరిగా గుర్తించాలి అని ఆదేశాలు కూడా జారీ చేయడం జరిగినది. ఇంతకు ముందు ఓటర్ కార్డ్ , డైవింగ్ లైసన్స్  మొదలగు వాటిని బ్యాంక్స్ కేవలం అడ్రస్ ప్రూఫ్ గా మాత్రమే పరిగణలోకి తీసుకొనేవి.  ఇప్పడు మాత్రం ఏదైనా పత్రం పై  ఫోటో మరియు అడ్రస్ ఉంటె దాని  ద్వారా తప్పనిసరిగా ఖాతా ప్రారంభం చేయాలి . అంటే కేవలం ఓటర్ కార్డ్, డైవింగ్ లైసన్స్  మొదలగు వాటి వలన కూడా ఖాతా ప్రారంభం చేయడం చాలా సులభం

అమెరికా రియల్ ఎస్టేట్ క్రాష్ నుండి నేర్చుకోవలసిన గుణపాఠాలు.

అమెరికా రియల్ ఎస్టేట్ క్రాష్ నుండి నేర్చుకోవలసిన గుణపాఠాలు.

ఇండియాలో ఇప్పుడిప్పుడే మళ్ళీ రియల్ ఎస్టేట్ వ్యాపారం ఊపు అందుకుంటుంది.మీరూ ఇప్పుడు ఏ పేపర్ చూసిన రియల్ ఎస్టేట్ అడ్వర్టయిజ్మెంట్లు ఎక్కువగా కనబడుతున్నాయి.ఇవన్ని చూస్తుంటే మూడేళ్ళ క్రిందటి  అమెరికాలో జరిగిన రియల్ ఎస్టేట్  సంఘటనలు గుర్తుకువస్తున్నాయి.మీరూ కూడా రియల్ ఎస్టేట్ లో ఇన్వెస్ట్ చేసే ముందు ఈ సంఘటనలు గుర్తుపెట్టుకుంటే చాలా మంచిది.

రియల్ ఎస్టేట్ వ్యాపారం , గృహనిర్మాణ రంగం విజ్రంభన ఉన్న సమయంలో చాలా మంది రెండు లేదా మూడు ఇల్లు ఐనా సొంతం చేసుకోవాలి అనే ఆలోచనతో ఉండేవారు.వాస్తవంగా చెప్పాలి అంటే వారి ఆర్ధిక స్తోమత , వారి శక్తి సామర్ధ్యలకు మించి కనుగోలు చేయదానికి  చూసే వారు.వాస్తవానికి బ్యాంక్స్ కూడా ఒక వ్యక్తీ యొక్క ఆర్ధిక స్థోమతకు మించి అప్పులు ఇచ్చేవి.  అంతేకాకుండా బ్యాంక్స్ కూడా ARMs (Adjustable Rate Mortgages) ప్రకారం వడ్డీ వసూలు చేసేవి.అంటే మొదట వడ్డీ రేటు తక్కువగా ఉండి కొంత కాలం అనంతరం అధిక వడ్డీ వసూలు చేసేవి. దీనిలో ఉండే ముఖ్య ఉద్దేశం అధిక కస్టమర్లని ఆకర్షించడం  చాలా మంది అమెరికాలో ఈ విధంగా లోన్స్ సులభంగా లభ్యం అవుతున్నాయి  అనే ఉద్దేశం తో అధిక లోన్స్ తీసుకోవడం వలన చివరకు వాటిని చెల్లించలేకపోవడంతో అధికంగా జప్తుకీ వేళ్ళుతుండేవి. అందువలన మీరు కూడా మీరూ చెల్లించగలిగే మీ సామర్ధ్యానికి అనుగుణంగా మాత్రమే లోన్స్ తీసుకోండి. హౌసింగ్ లోన్స్ సుమారు మీ సంపాదన కాలం మొత్తం చెల్లించవలసి ఉంటుంది. కావున లోన్స్ తీసుకొనే సమయంలో జాగ్రత్తగా తీసుకోండి.  అంతేకాకుండా మీరూ రియల్ ఎస్టేట్ ధరలు ఎప్పటికి కూడా  తగ్గు ముఖం పట్టవు అని భావించవద్దు.అమెరికా సంక్షోభం కంటే ముందు జపాన్ లో జరిగిన విషయం మీరూ మర్చిపోవద్దు.రియల్ ఎస్టేట్ ధరలు ఎప్పటికి  తగ్గవు అనే భ్రమలో మీరూ ఉండవద్దు. రియల్ ఎస్టేట్ కూడా ఇతర అసెట్ క్లాస్ లో ఒక్కటి. మిగితా అసెట్ క్లాస్ లో పెరగడం, తగ్గడం ఏ విధంగా ఉంటుందో దీనిలో కూడా అదే విధంగా ఉంటుంది అనే విషయం మర్చిపోవద్దు.     

ఈ వారం స్టాక్ మార్కెట్ 10-12-2012 to 14-12-2012

ఈ వారం స్టాక్ మార్కెట్ 10-12-2012 to 14-12-2012

మార్కెట్ లో బ్రహ్మాండమైన ర్యాలీ అనంతరం కన్సోలిదేషన్ జరగటం చాలా సర్వసాదారణం .దీని గురించి మనం గత వారం పోస్ట్ లో కూడా చర్చించడం  జరిగినది.గత వారం కేవలం నిఫ్టీ  27 పాయింట్లు మాత్రమే స్వల్ప లాభం పొందటం జరిగినది.12 వ తేదీన వెలువడనున్న IIP డేటా , 14 వ తేదీన వెలువడనున్న  ఇన్ఫ్లేషన్  డేటా పై మార్కెట్ మూమెంట్ ఆధారపడి ఉంటుంది. ఈ డేటా ల ప్రకారం ఈ నెలలో జరుగనున్న క్రెడిట్ పాలసీలో RBI  కీలక రెట్ల విషయంలో నిర్ణయం తీసుకోవచ్చు .మీకూ ఇది వరకు తెలియచేసినట్టుగా 50hsma కూడా చాలా కీలకం అని తెలియచేయడం జరిగినది. అదే విధంగా నిఫ్టీ కూడా గురు, శుక్ర వారం    50hsma  సపోర్ట్ తీసుకోవడం మీరూ క్రింద ఇచ్చిన హవర్లీ చార్ట్ లో చూడవచ్చు. ఈ వారం ప్రస్తుతం   50hsma 5885 వద్ద ఉంది.కాబట్టి దానిని ఈ రోజు జాగ్రత్తగా గమనించాలి.5548 వద్ద ఏర్పాటు కాబడిన డబుల్ బాటం మరియు 5540 వద్ద ఉన్న ట్రెండ్ లైన్ సపోర్ట్ మార్కెట్ లో ర్యాలీ రావడానికి సహాయపడ్డాయి. అదే విధంగా ట్రెండ్ లైన్ బ్రేక్ జరగనంతవరకు మార్కెట్ పైకి వెళ్లడానికే అధిక అవకాశం ఉంది.ప్రస్తుతం చార్త్స్ లో చూపిన విధంగా 5950-70 మధ్య రెసిస్టన్స్ వస్తుంది. ఒకవేళ ఈ రెసిస్టన్స్ కనుక దాటితే 6050, 6150 వరకు నిఫ్టీ సులభంగా చేరుకోగలదు. నిఫ్టీ బుల్లిష్ ప్లాగ్ పాటర్న్ ప్రకారం కూడా టార్గెట్  6150 గా ఉంది.ఈ వారం నిఫ్టీ కి సపోర్ట్ 5825, 5770,5720 రెసిస్టన్స్ 5950,6050,6150  . స్టాప్ లాస్ పాటించి తగు జాగ్రత్తతో ట్రేడింగ్ చేసుకోగలరు.  

 telugufinancialschool@gmail.com

టాక్స్ సేవింగ్ ఫిక్సుడ్ డిపాజిట్స్ నిజంగా ఆదాయపు పన్ను అదా చేయడానికి ఉపయోగపడుతున్నాయా ?

టాక్స్ సేవింగ్ ఫిక్సుడ్ డిపాజిట్స్  నిజంగా ఆదాయపు  పన్ను అదా చేయడానికి ఉపయోగపడుతున్నాయా ?

చాలా మంది ఆదాయపు పన్ను సెక్షన్ 80C ప్రకారం అదా చేయడానికి  ఫిక్సుడ్ డిపాజిట్స్   ఎన్నుకుంటారు.మీరూ నిజంగా ఈ విధంగా చేయడం వలన ఆదాయపు పన్ను అదా చేయవచ్చు అని అనుకుంటున్నారా ? ఈ విధమైన టాక్స్ సేవింగ్ పథకాల వలన ఆదాయపు పన్ను అదా చేయవచ్చా ?

ముందుగా టాక్స్ సేవింగ్  ఫిక్సుడ్ డిపాజిట్స్   అంటే ఏమిటో ఒక్కసారి చూద్దాం.

బ్యాంక్స్ టాక్స్ సేవింగ్ కోసం అందించే ఫిక్సుడ్ డిపాజిట్స్   పథకాలు ఇవి.

వీటీ మీదా వడ్డీ రేటు వివిధ బ్యాంక్స్ లో వివిధ రకాలుగా ఉంటుంది.

ఈ డిపాజిట్స్ మీరూ ఐదు సంవత్సరాల వరకు తిరిగి తీసుకోవడానికి వీలు లేదు.

మీరూ డిపాజిట్ చేసిన సంవత్సరం సెక్షన్ 80C ప్రకారం డిపాజిట్ చేసిన మొత్తంపై ఆదాయపు పన్ను మినహాయింపు పొందుతారు. మీకు ఈ వివరాలు అన్ని తెలిసిన తర్వాత ఒక్కసారి ఆలోచించవలసి ఉంటుంది. నిజంగా ఈ డిపాజిట్స్ వలన మీరూ అదా చాయగలిగే ఆదాయపు పన్ను ఎంత  అనే విషయం మీరూ పదివేలు ఇన్వెస్ట్ చేయడం వలన పొందే ఆదాయపు పన్ను మినహాయింపు మీకూ వర్తించే స్లాబ్ పై ఆధారపడి ఉంటుంది.

10% స్లాబు ఐతే  మీరూ పొందే ఆదాయపు పన్ను మినహాయింపు Rs1030

20% స్లాబు ఐతే  మీరూ పొందే ఆదాయపు పన్ను మినహాయింపు Rs2060

30% స్లాబు ఐతే  మీరూ పొందే ఆదాయపు పన్ను మినహాయింపు Rs3090

ఐదు సంవత్సరాల తర్వాత మీరూ అసలు మరియు వడ్డీ తిరిగి పొందుతారు.మీరూ పొందే వడ్డీ పై ఆదాయపు పన్ను చెల్లించాలి.   .

ఉదాహరణకు మీరూ మూడు నెలలకు ఒకసారి లెక్కించే పద్దతిలో పది వేలు  8.5%  చొప్పున డిపాజిట్ చేసినట్టు ఐతే  మీరూ కాలపరిమితి ముగిసిన అనంతరం  పొందే  మొత్తం Rs 15227 ఐతే   దానిలో వడ్డీ  5227  పై మీరూ ఆదాయపు పన్ను చెల్లించవలసి ఉంటుంది.మీరూ ఎంత  పన్ను చెల్లించవలసి ఉంటుంది అనేది మీ ఆదాయం ఏ స్లాబ్ పరిధిలో ఉంది అనే విషయం పై ఆధారపడి ఉంటుంది.

10% స్లాబు ఐతే  మీరూ చెల్లించే ఆదాయపు పన్ను  Rs538

20% స్లాబు ఐతే  మీరూ చెల్లించే ఆదాయపు పన్ను  Rs 1076

30% స్లాబు ఐతే  మీరూ చెల్లించే ఆదాయపు పన్ను  Rs 1615

 ఒకవేళ మీరూ కనుక తక్కువ పన్ను స్లాబ్ పరిధిలో ఉంటె దీనివలన పెద్దగా ఎలాంటి ఉపయోగం ఉండదు.అంతే కాకుండా మీ డిపాజిట చేసిన మొత్తం ఎట్టి పరిస్తుతులలో ఐదు సంవత్సరాల లోపు తిరిగి తీసుకోవడానికి వీలు కాదు. అత్యవసర పరిస్తుతులలో బ్యాంక్స్ కూడా ఎలాంటి ఈ డిపాజిట్స్ పై ఎలాంటి లోన్స్ అందించవు. కావున ఈ డిపాజిట్స్ లో ఇన్వెస్ట్ చేసే ముందు జాగ్రత్తగా ఒక్కటికి రెండు సార్లు ఆలోచించండి